Lucas 21:27 - Inkeanon

²⁷ Pagkatapos hay makita ninyo ako nga Unga it Tawo sa daeaura nga nagaabot iya sa kalibutan ag makita man ninyo ro akong gahom ag pwerting pagkadaeayawon.

Lucas 21:27 Iomraidhean Croise

Pahayag 1:7

Magbantay kamo ay magabalik si Jesus nga nagasakay sa daeaura. Hikita imaw it tanan nga mga tawo bisan pa ku ratong mga nagpaeansang kana sa krus. Ro tanan nga rasa it tawo iya sa kalibutan hay magatangis dahil kana. Matabo gid-a ra. Amen.

Mateo 24:30

Ag may makita dayon sa kaeangitan nga tanda nga magabalik eon ako nga Unga it Tawo. Magaueahab dayon ro tanan nga mga tawo sa kalibutan kon hikita nanda ako sa daeaura sa pagbalik nakon iya, ag kon hikita man nanda ro akong gahom ag pwerting pagkadaeayawon.

Marcos 13:26

Tapos hay makita ninyo ako nga Unga it Tawo sa daeaura nga nagaabot iya sa kalibutan ag makita man ninyo ro akong indi matupungan nga gahom ag pwerting pagkadaeayawon.

Mateo 26:64

Nagsabat si Jesus, “Ako gid ma't-a. Pero ginahambae ko kinyo nga sa ulihi hay hikita ninyo ako nga Unga it Tawo nga nagapungko sa pinakadungganon nga pwesto sa tuo it Makagagahom nga Dyos. Ag hikita man ninyo ako sa daeaura sa akong pagbalik sa kalibutan.”

Mateo 25:31

Naghambae pa gid si Jesus, “Kon magbalik eon ako nga Unga it Tawo nga may grabi nga kasilaw ag kaibahan ku tanan nga mga anghel hay magapungko dayon ako sa akon nga trono ag magahari nga may kadungganan nga indi matupungan.

Pahayag 14:14

Pagtan-aw ko pa gid it uman hay hato, may hakita ako nga puti nga daeaura. Sa daeaura ngato hay may nagapungko nga matsa Unga it Tawo nga may korona nga bueawan ag may ginabuytan imaw nga mataeom nga inoggaeab.

Lucas 21:26

Magakaealipong ro mga tawo sa kahadlok dahil ginapaabot nanda kon ano ro maeain nga matabo sa bilog nga kalibutan ay ro tanan nga una sa kaeangitan hay pagauyugon it mabaskog.