Lucas 21:25 - Inkeanon

²⁵ Nagpadayon si Jesus it hambae, “May makangawa-ngawa nga matabo sa adlaw, sa buean ag sa mga bituon nga mga paeatandaan nga madali eon lang ako magbalik. Iya sa kalibutan hay magaumang ro mga pumueuyo it mga nasyon sa kabaskog it humbak ag kasangag it kadagatan.

Lucas 21:25 Iomraidhean Croise

Mateo 24:29

Nagpadayon si Jesus it paghambae, “Pagkatapos eagi ku mga inadlaw ngato nga malisod hay magadueom ro adlaw ag indi eon maghayag ro buean. Ro tanan nga una sa kaeangitan hay pagauyugon ag magakaeahueog ro mga bituon.

Mateo 27:45

Tag alas dose eon, nagdueom ro andang bilog nga nasyon hasta it alas tres it hapon.

Marcos 13:24

Naghambae pa gid si Jesus, “Pagkatapos ku mga inadlaw ngato nga malisod, magadueom ro adlaw ag indi man maghayag ro buean.

Marcos 13:26

Tapos hay makita ninyo ako nga Unga it Tawo sa daeaura nga nagaabot iya sa kalibutan ag makita man ninyo ro akong indi matupungan nga gahom ag pwerting pagkadaeayawon.

Marcos 15:33

Tag alas dose eon hay nagdueom ro bilog nanda nga nasyon hasta it alas tres it hapon.

Lucas 21:24

Ro iba kanda hay magakaeamatay paagi sa espada. Ro iba hay bihagon ag daehon sa tanan nga mga nasyon sa kalibutan. Ro Jerusalem hay tapak-tapakon eang ku mga owa nagakilaea sa Dyos hasta nga ro tyempo nga itugot kanda it Dyos hay matapos.”

Lucas 21:26

Magakaealipong ro mga tawo sa kahadlok dahil ginapaabot nanda kon ano ro maeain nga matabo sa bilog nga kalibutan ay ro tanan nga una sa kaeangitan hay pagauyugon it mabaskog.

Mga Binuhatan 2:19

Magahimo ako it makangawa-ngawa nga mga butang sa kaeangitan. Ag sa kalibutan hay magagamit ako it dugo, kaeayo, ag madamoe nga aso bilang mga milagrosong pamatuod.

Pahayag 20:11

Ag nakakita ako it mabahoe nga puti nga trono, ag hakita ko man ro nagapungko idto, ag ro eangit ag ro eugta hay mat nagpaeagiw sa kahadlok sa nagapungko dikato. Naduea sanda nga matsa aso.