Lucas 21:19 - Inkeanon

¹⁹ Paagi sa inyong pagtiis ku mga kalisod ngaron ag padayon nga pagtuo kakon hay makabaton kamo it kabuhi nga owa it katapusan.

Lucas 21:19 Iomraidhean Croise

Mateo 10:22

Kaugtan kamo it tanan nga mga tawo tungod sumueunod nakon kamo. Pero ro nagapadayon nga nagatuo kakon hasta sa kamatayon hay may kabuhi nga owa it katapusan sa eangit.

Mateo 24:13

Pero ro nagapadayon nga nagatuo kakon hasta sa kamatayon hay maeuwas.

Lucas 8:15

Pero ro natabo ma't-a sa binhi nga tumugpa sa manami nga eugta hay kahalimbawa ku mga nagpamati sa mensahi it Dyos ag ginhuptan rato sa andang tagipusuon it hantop ag owa it pagpakuno-kuno. Padayon nanda nga ginatuman ro mensahi ngato bisan ano ro andang haagyan ag makita gid ro mayad nga bunga kato sa andang kabuhi.”

Mga TagaRoma 15:4

Tandai nga ro tanan nga nasueat sa Sagrado nga Kasueatan kato hay ginsueat agod tud-an kita. Dahil sa mga nasueat ngato hay nagaantigo kita nga magbatas it mga kalisod nga atong ginaagyan ag nagaisog ro atong buot, ag ro bunga karon hay sigurado kita nga mabaton naton sa ulihi ro ginpromisa it Dyos.

Mga TagaRoma 2:7

Taw-an nana it kabuhi nga owa't katapusan ro nagapadayon nga nagahimo it mayad ay nagapaabot gid sanda nga padunggan ag itapoe sa kanami-nami nga kahimtangan nga owa it katapusan idto sa eangit.

Mga TagaRoma 5:3

Ag bukon eang it duyon ro atong ginakalipay kundi pati man ro mga kalisod nga atong ginaagyan ay sayod naton nga paagi sa mga ruyon ngaron hay nagaantigo kita nga magbatas.

Mga TagaRoma 5:4

Ag kon gabatas kita it kalisod hay aprubahan kita it Dyos. Ag ro bunga karon hay sigurado kita nga ro atong ginapaabot hay matabo gid.

Mga TagaRoma 8:25

Pero kon owa pa naton habaton ro atong ginapaabot hay ginapaabot-abot gid ron naton nga may pagtiis ay sigurado kita nga maabot gid ron.

1 Tesalonica 1:3

Kon magpangamuyo kami para kinyo hay amon nga ginadumdum ro mga mayad nga buhat nga inyong ginahimo tungod sa inyong pagtuo. Ginadumdum man namon ro inyong pagpangabudlay sa pagbulig sa iba tungod sa inyong paghigugma kanda. Ginadumdum man namon ro inyong pagtiis sa pihak it mga paghingabot dahil sigurado kamo nga batunon kamo it Dyos nga atong Ama dahil sa inyong pagtuo sa atong Ginuong Jesu-Kristo.

2 Tesalonica 3:5

Nagapangamuyo kami nga buligan kamo it Ginuo nga maeubtan pa gid ro paghigugma it Dyos para kinyo. Ag kabay pa nga madumduman gid ninyo ro pagtiis ni Kristo ku tanan nga kalisdanan nga haagyan nana agod tuearon ninyo rato.

Mga Hebreo 10:36

Dapat nga padayon kamo sa inyong pagtuo kay Jesus agod mabaton ninyo ro ginpromisa it Dyos dahil gintuman ninyo ro anang kabubut-on.

Mga Hebreo 6:11

Bug-os ro inyong paino-ino sa inyong pagserbi ngaron sa iba ag gusto ko gid nga bug-os man ro inyong paino-ino sa inyong pagkasigurado parti sa mga ginpromisa it Dyos hasta sa adlaw nga inyong mabaton ron.

Mga Hebreo 6:15

Ag ginhinueat ni Abraham ro ginpromisa it Dyos ag owa gid imaw nagkataka bisan mabuhay ro katumanan kato ngani habaton nana rato.

Santiago 1:3

ay sayod kamo nga kon ginatestingan ro inyong pagtuo hay oportunidad ron ninyo nga mag-antigo nga magbatas.

Santiago 1:4

Ngani batasa ninyo ro mga pagtesting sa inyong pagtuo nga inyong ginaagyan ay ro bunga karon hay magaamat nga magamayad ro inyong batasan hasta owa eon it ikasaway karon.

2 Pedro 1:6

Dugangi ninyo ro inyong pageubot ngaron it pagpugong sa kaugalingon, ag ro pagpugong hay dugangi ninyo it pagkamatiniison, ag ro pagkamatiniison hay dugangi pa ninyo it pagkamatinumanon sa Dyos.

Pahayag 1:9

Ako si Juan nga isaea sa inyong mga igmanghod sa pagtuo ag pareho man ninyo nga sinakpan it Dyos ag pareho man kinyo nga nagatiis it mga paghingabot ag kasakit tungod mga sumueunod kita ni Jesus. Gintapok ako sa isla it Patmos dahil sa akong pagwali ku mensahi it Dyos ag ku akong pagpamatuod parti kay Jesus.

Pahayag 13:10

Kon gintaeana nga prisuhon ro sangka tawo hay mapriso gid-a imaw ron. Kon gintaeana ro sangka tawo nga mamatay paagi sa espada hay matabo gid ron. Ngani dapat gid nga ro mga katawhan it Dyos hay mainantuson ag indi gid magtalikod sa andang pagtuo sa Dyos.

Pahayag 14:12

Ngani ro mga ginpaeain it Dyos bilang anang mga katawhan hay dapat nga matinumanon permi sa anang mga sugo, ag magpakalig-on sa andang pagtuo kay Jesus.

Pahayag 3:10

Tungod nagtuman kamo sa akong hambae kinyo nga tiison ninyo ro tanan nga kalisod dahil kakon hay proteksyunan ko kamo sa grabi nga kalisod nga maabot sa bilog nga kalibutan agod testingan ro tanan nga mga tawo.