Lucas 21:17 - Inkeanon

¹⁷ Pagakaugtan kamo it tanan nga mga tawo dahil mga sumueunod nakon kamo

Lucas 21:17 Iomraidhean Croise

Mateo 10:22

Kaugtan kamo it tanan nga mga tawo tungod sumueunod nakon kamo. Pero ro nagapadayon nga nagatuo kakon hasta sa kamatayon hay may kabuhi nga owa it katapusan sa eangit.

Mateo 24:9

“Sa ulihi, pagakaugtan kamo ku tanan nga mga tawo bangod mga sumueunod nakon kamo. Pagadakpon kamo ag itugyan sa mga magapasakit ag magapatay kinyo.

Mateo 5:11

Bulahan kamo kon ginatuya-tuya kamo ag ginahingabot ag ginapakaeain ku mga tawo bangod sa inyong pagsunod kakon.

Marcos 13:13

Pagakaugtan kamo it tanan nga mga tawo tungod mga sumueunod nakon kamo. Pero ro nagapadayon nga nagatuo kakon hasta sa kamatayon hay maeuwas.”

Lucas 21:16

Traiduron kamo ku inyo pa mismo nga mga ginikanan, mga igmanghod, igbata ag amigo nga owa nagatuo kakon. Ro iba kinyo hay anda nga ipapatay.

Lucas 21:18

pero indi maalin bisan ro punta ku inyong buhok.

Lucas 6:22

Bulahan kamo kon ginakaugtan kamo, indi pagkilan-on, ginatuya-tuya ag ginapakaeain ku mga tawo bangod kakon nga Unga it Tawo.

Juan 15:19

Kon pareho kamo kanda nga owa nagatuo kakon hay mailaan 't-a nanda kamo ay paeareho abi kamo. Pero bukon kamo it pareho kanda ay ginpili ko kamo agod bukon eon kamo it kaibahan ku mga owa nagatuo kakon. Mawron nga ginakaugtan nanda kamo.

Juan 15:21

Pero himuon nanda ro tanan ngaron nga mga paghingabot kinyo dahil nagatuo kamo kakon, ag tungod saea ro andang pagkakilaea sa Dyos nga nagpadaea iya kakon.

Juan 17:14

Ginsugid ko kanda ro imong mensahi ag ginakaugtan sanda ku mga owa nagatuo kakon. Ginakaugtan ro akong mga sumueunod ay ro andang kinaiya hay pareho eon ku akon, nga eain gid kaysa sa ana ku mga owa nagatuo kakon.

Juan 7:7

Ro mga owa gatuo sa Dyos hay owa it rason nga maugot kinyo, pero naugot 't-a ron sanda kakon ay ginabulgar ko ro andang maeain nga mga ginahimo.

Mga Binuhatan 9:16

Ag ipahayag ko man kana kon man-o it abo nga mga kasakit ro anang dapat maagyan dahil sa anang pagwali parti kakon.”

2 Corinto 12:10

Ngani nalipay gihapon ako bisan owa ako it ikasarang, kon ginasamaran ako, kon ginapakalisdan, kon ginahingabot ag kon sa kapipit-an dahil sa akong pagserbi kay Kristo. Sa oras abi nga maeuya ako ag owa it ikasarang hay dikaron man dayon ako ginagamhan it Dyos.

2 Corinto 4:11

Matuod nga bisan adlaw-adlaw hay sa peligro ro among kabuhi dahil sa among pagserbi kay Jesus, owa nana ginapasugti nga mamatay kami agod makita it tanan nga buhi matuod imaw dahil ana kami nga ginaeuwas sa kamatayon.

2 Corinto 4:5

Owa namon ginawali ro among kaugalingon nga matsa importanti kami kundi ginawali namon si Jesu-Kristo. Ginawali namon nga imaw ro Ginuo ag kami hay nagaserbi kinyo dahil kana.

Mga TagaFilipos 1:29

Ro mga kalisdanan nga inyong ginaagyan makaron dahil sa inyong pagtuo kay Kristo hay pagpakamaayo, dahil owa eang kamo pagtaw-i it Dyos it pribilihiyo nga magtuo kay Kristo kundi pati man ro pribilihiyo nga mag-antos dahil sa inyong pagtuo kana.

1 Pedro 4:14

Ngani kon ginatuya-tuya kamo dahil sa inyong pagtuo kay Kristo hay bulahan kamo, tungod ginabuligan kamo ku makagagahom nga Espirito it Dyos nga una kinyo.

Pahayag 2:3

Sayod man ako nga nangin mainantuson kamo ay bisan nagakalisod kamo dahil nagatuo kamo kakon hay owa gihapon kamo magtalikod kakon.