Lucas 20:26 - Inkeanon

²⁶ Ro mga espiya ngato hay owa gid it makita nga saea sa ginhambae ni Jesus sa atubang it mga tawo nga nagtilipon idto nga magamit nanda agod ikaakusar imaw. Owa man sanda kahambae ay hangawa sanda sa ana nga sabat.

Lucas 20:26 Iomraidhean Croise

Mateo 22:12

Ngani hay ginpangutana ra it hari, ‘Mig, paalin ka nakasueod iya ay owa ka man nakailis it pangponsyon?’ Pero owa it ikasabat ro tawo ngato.

Mateo 22:22

Pagkabati nanda ku sabat ni Jesus hay hangawa sanda ag inaywanan dayon nanda imaw.

Mateo 22:34

Pagkabati ku mga Pariseo nga owa kasabat kay Jesus ro mga *Saduceo hay umadto sanda idto kana ag idto nagtueumpok.

Mateo 8:10

Pagkabati kara ni Jesus hay hangawa gid imaw it duro. Naghambae dayon imaw sa mga tawo nga nagasunod kana, “Matuod dang ginahambae kinyo nga owa pa ako it hakita bisan sa mga inapo ni Israel nga makaraya it bahoe ro anang pagsalig kakon.

Lucas 11:54

ay anda kunta imaw nga ginadakop-dakop sa istorya ay basi may ikahambae imaw nga magamit nanda agod ikaakusar imaw.

Lucas 13:17

Nahuy-an gid ro tanan nga nagakuntra kay Jesus sa ana ngatong ginhambae. Pero ro kaabo ma't-a nga tawo, tanan sanda hay nalipay gid sa tanan nga makangawa-ngawang mga butang nga anang ginpanghimo.

Lucas 20:20

Umpisa kato, nagbinantay sanda it kahigayunan nga ikapadakop si Jesus. May andang ginpaespiya kana nga nagpakuno-kuno nga owa it maeain nga motibo pero anda't-a gali nga ginadakop-dakop si Jesus sa istorya, ay basi may anang ihambae nga magamit nanda kuntra kana agod ipaatubang imaw sa Romano nga gobernador nga may otoridad sa pagsintinsya kana.

Mga TagaRoma 3:19

Sayod kita nga kon ano ro ginahambae sa Kasuguan it Dyos hay para gid anay sa tanan nga hauna nga gintaw-an kato, ag ruyon ro mga Judio. Ngani ro mga Judio man hay makasasaea pareho ku mga bukon it Judio. Ngani owa gid it bisan sin-o nga makabalibad nga owa sanda it saea ag ro bilog nga kalibutan hay dapat eang hukman it Dyos.

Tito 1:10

Ginahambae ko ra ay abo abi nga mga tawo nga indi magpasakop sa bisan ano nga otoridad. Anda nga ginapataeang ro mga tawo sa andang ginahambae nga owa it pueos. Makaraya ro ginaobra kapin ku mga Judio nga nagtuo eon, ugaling nagahambae sanda nga dapat gid magpatuli anay ro mga tumueuo nga bukon it *Judio agod nga maeuwas sanda.