Lucas 20:22 - Inkeanon

²² Mangutana kami kimo. Eapas baea sa Kasuguan natong mga Judio kon magbayad kita it buhis sa Emperador it Roma o bukon?”

Lucas 20:22 Iomraidhean Croise

Mateo 17:25

“Huo gid lang ron,” sabat ni Pedro. Pag-abot ni Pedro sa baeay nga ginadayunan ni Jesus, bago nakahambae si Pedro hay pinangutana eon imaw ni Jesus, “Simon, kon kimo, sin-o ro ginapabayad it sari-saring buhis ku mga hari iya sa kalibutan? Ro anda baea mismong pamilya o ro ibang tawo?”

Lucas 20:21

Naghambae ro mga espiya ngato kay Jesus, “Maestro, sayod kami nga tama ro imong ginahambae ag ginaturo. Owa ka man it ginasanto ag imo nga ginaturo kon ano ro kamatuuran parti sa husto nga daean it pagpangabuhi nga gusto it Dyos bisan mageain ma't-a ro buot it nagapamati.

Lucas 20:23

Pero sayod gid ni Jesus nga ginadakop-dakop man lang nanda imaw.

Lucas 23:2

Pag-abot idto, gin-umpisahan nanda it pag-akusar si Jesus. Hambae nanda, “Haaktohan gid namon ro tawo ngara nga ginapataeang ro amon nga mga kadugo, ag ginabawaean sanda nga magbayad it buhis sa Emperador. Ana pa nga ginaako nga imaw hay isaeang ka hari, ro Maneueuwas nga ginpromisa it Dyos.”

Mga Binuhatan 5:37

Pagkatapos, may sumunod eon man nga si Judas ro ngaean nga tagaGalilea. Sumuepot imaw riya ku tyempo anay it sensus. Abo man kato ro anang ginpataeang nga magsunod kana. Pero ginpatay man imaw ag nagbueunlag man ro tanan nanang mga sumueunod, ngani owa man nagbuhay ro andang grupo.

Mga TagaRoma 13:7

Ngani bayri ro bisan ano nga buhis nga dapat ninyo bayran. Tahura ninyo ag padunggan ro tanan nga may katungdanan sa gobyerno.