Lucas 20:16 - Inkeanon

¹⁶ Pang-adtunan nana sanda ag pamatyon ag paagsahan ro ubasan sa iba.” Pagkabati kara ku mga tawo, sinanda, “Kabay nga indi ron matabo!”

Lucas 20:16 Iomraidhean Croise

Mateo 21:34

Tag tigpueu-pu eon it ubas, ana nga ginpaadto ro anang mga ulipon sa mga manog-agsa agod bue-on ro anang hueay sa tubas.

Mateo 21:41

Nagsabat sanda kay Jesus, “Pamatyon nana ro mga maeain ngato nga mga manog-agsa sa makangingidlis nga paagi! Ag pagkatapos hay paagsahan nana ro ubasan sa iba nga magatao kana ku anang hueay kon tig-aeani eon.”

Mateo 22:7

“Ngani naakig gid it duro ro hari pagkabati nana ku natabo. Pinapanaw dayon nana ro anang mga soldado agod pamatyon ro mga nagpamatay ngato ku anang mga sueuguon ag sunugon ro andang syudad.

Marcos 12:9

Nagpangutana dayon si Jesus sa mga tawo, “Hay alinon ku tag-ana ro mga manog-agsa ngato? Pang-adtunan na sanda ag pamatyon ag paagsahan sa iba ro ubasan.

Lucas 19:27

Ag parti ma't-a sa akon nga mga kuntra nga owa naila nga ako ro andang hari hay daeha ninyo iya sanda ag pamatyon sa akon nga atubang.’ ”

Lucas 20:15

Ngani pag-abot nana hay anda imaw nga initsa sa guwa it ubasan ag pinatay.” Nagpangutana dayon si Jesus sa mga tawo, “Hay alinon ku tag-ana rondatong mga manog-agsa?

Mga Binuhatan 13:46

Pero maisog ro buot nanday Pablo ag Barnabas sa pagsabat kanda. Hambae nanda, “Kamo ro hauna nga ginsugiran namon ku mensahi nga halin sa Dyos ag duyon gid ma't-a dapat. Pero dahil indi ma't-a kamo magbaton kara, ag kon kinyo hay owa kamo gakinahangean ku mensahi parti sa kabuhi nga owa it katapusan, ngani indi eon kami magturo kinyo kundi sa mga bukon it Judio la't-a.

Mga TagaRoma 11:1

Mangutana pa gid ako. Nagakahueugan baea ra nga ginsikway it Dyos ro mga Judio nga anang katawhan? Owa't-a ron! Bangod Judio man ako, nga isaea sa mga inapo ni Abraham ag halin man ako sa linahi ni Benjamin.

Mga TagaRoma 11:11

May pangutana pa gid ako. Rondaya nga pagkasandad ag pagkadusmo ku kaeabanan nga mga Judio hay nagakahueugan baea nga dayon eo't-a nga indi eon sanda makatindog it uman bisan hasta hin-uno? Bukon a! Dahil sa andang saea nga indi sanda magtuo kay Kristo hay kaabo nga mga bukon it Judio ro nakabaton it kaeuwasan. Ro tuyo karon it Dyos hay agod mahikaw ro mga Judio sa natabo ngaron sa mga bukon it Judio ag magtuo man dayon sanda.

Mga TagaRoma 3:31

Kon makaruyon, nagakahueugan baea ron nga indi eon dapat naton pagtumanon ro mga sugo it Dyos? Bukon 't-a ron! Aton 't-a gihapon nga ginatindugan ro haega ag tuyo ku mga sugo ngaron.

Mga TagaRoma 3:4

Owa't-a ron! Bisan tanan pa nga tawo hay magpinuril, imposible nga magpinuril ro Dyos. Pareho sa nasueat sa Kasueatan, “agod mapamatud-an nga matuod ro tanan nimong ginahambae, ag agod magadaog ka kuntra sa mga nagapabangod kimo parti sa imong paghusgar.”

Mga TagaRoma 3:6

Indi't-a ron! Dahil kon indi pagpinahan it Dyos ro dapat pinahan hay gapakita ron nga bukon imaw it kwalipikado nga maghusgar ku bilog nga kalibutan.

Mga TagaRoma 6:15

Kon mawron gali nga indi eon dapat kita magtuman sa Kasuguan it Dyos agod bilangon nana nga matarong ay mabuot ma't-a imaw hay kundi libre eon kita nga magpinagusto sa pagpakasaea? Hay bukon 't-a it makaruyon don!

Mga TagaRoma 6:2

Hay indi't-a ron! Kon parti abi sa saea, namatay eon kita karon ay gintalikdan eon naton ro atong daan nga kabuhi nga makasasaea. Hay kon makaruyon, paalin pa kita magkabuhi nga nagapakasaea gihapon?

Mga TagaRoma 7:13

Basi mahambae kamo nga bukon it mayad ro Kasuguan ay ruyon ro magadaea kakon sa kamatayon nga owa it katapusan nga pina. Hay bukon 't-a it makaruyon! Ro atong makasasaea nga kinaiya ro dahilan nga pinahan kita dahil duyon ro nagagamit ku mayad nga Kasuguan it Dyos agod itueod kita sa pagpakasaea permi. Gintao it Dyos ro anang Kasuguan agod mapahayag kon mauno it eain ro atong makasasaea nga kinaiya.

Mga TagaRoma 7:7

Mahambae baea naton nga maeain ro Kasuguan dahil mas kapin nga nagakasaea kita tag hasayran naton ron? Hay indi't-a ron! Dahil kon owa it Kasuguan hay indi ko masayran nga ro akong ginaobra nga eaom ko nga tama hay saea't-a gali! Ro halimbawa karon hay owa ko't-a hasayri nga saea ro magkahisa kon owa maghambae ro Kasuguan nga “Indi ka magkahisa.”

Mga TagaRoma 9:14

Hay kon makaruyon, makahambae baea kita nga bukon it matarong ro Dyos? Indi't-a ron!

1 Corinto 6:15

Owa baea kamo kasayod nga ro inyong eawas hay parti man it eawas ni Kristo? Kita nga ginabilang nga mga parti it eawas ni Kristo hay indi gid dapat maghulid sa sangka bayi nga nagabaligya ku anang eawas ay mangin parti eon dayon ku eawas it bayi ngaron ro atong eawas!

Mga TagaGalacia 2:17

Pero kon kita nga nagatuo eon kay Kristo agod mangin matarong sa mata it Dyos hay ginabilang nga makasasaea dahil owa kita nagatuman sa Kasuguan it mga Judio, nagakahueugan baea ron nga ginatueod kami ni Kristo nga magkasaea? Imposible't-a ron!

Mga TagaGalacia 3:21

Basi may maghambae nga nagakueuntrahan ro Kasuguan it Dyos ag ro anang promisa. Owa sanda nagakueuntrahan dahil ro katuyuan ku kada isaea hay eain. Kon ro Kasuguan hay makatao it kabuhi nga owa't katapusan, makahambae kita nga ro pagtuman sa Kasuguan hay makahimo sa tawo nga matarong sa mata it Dyos agod makabaton sanda it kabuhi nga owa't katapusan.

Mga TagaGalacia 6:14

Pero kon kakon, ro akong ginapabugae gid lang hay ro pagkamatay ku atong Ginuong Jesu-Kristo sa krus. Tungod paagi sa anang kamatayon sa krus hay patay eon ro akong kaila sa mga maeain nga butang nga nailaan ku mga tawo iya sa kalibutan, ag kon kanda hay owa man ako it pueos.