Lucas 20:14 - Inkeanon

¹⁴ Pero pagkakita ku mga manog-agsa nga nagapaeangop ro unga ku tag-ana it ubasan hay nagkaeasugot sanda. Hambae nanda, ‘Hara ro manunubli ku ubasan ngara. Patyon ta imaw agod aton eon dayon ro anang paeanublion ngara!’

Lucas 20:14 Iomraidhean Croise

Mateo 16:7

Pagkabati kara ku mga sumueunod hay nag-istorya sanda kon ano ro buot hambaeon ni Jesus. Hambae nanda sa kada isaea, “Ginhambae siguro nana ron ay sayod nana nga owa kita it baeon nga tinapay.”

Mateo 21:25

Sin-o ro nagtao kay Juan it otoridad nga magpangbawtismo? Ro Dyos baea o tawo?” Nagpaeangutan-an dayon sanda, “Ano ro atong isabat kana? Kon hambaeon naton nga ro Dyos ro nagtao it otoridad kay Juan, ana man kita nga kutan-on kon ham-an it owa kita nagpati kay Juan.

Mateo 21:34

Tag tigpueu-pu eon it ubas, ana nga ginpaadto ro anang mga ulipon sa mga manog-agsa agod bue-on ro anang hueay sa tubas.

Lucas 19:47

Adlaw-adlaw hay nagaturo si Jesus sa Templo. Ro mga pinuno it mga saserdote, ro mga maestro it Kasuguan ag ro mga manogdumaea it banwa hay nagausoy it paagi kon paalin nanda imaw hipatay.

Lucas 20:13

Dikato eon nagpaino-ino ro tag-ana, ‘Ano lang baea ro mayad kara? Paadtunon ko lang gali idto ro akong palangga nga unga nga eaki. Anda't-a ron imaw nga tahaon.’

Lucas 20:15

Ngani pag-abot nana hay anda imaw nga initsa sa guwa it ubasan ag pinatay.” Nagpangutana dayon si Jesus sa mga tawo, “Hay alinon ku tag-ana rondatong mga manog-agsa?

Lucas 20:19

Ginadakop eagi kunta ku mga maestro it Kasuguan ag ku mga pinuno it mga saserdote si Jesus ay nakatagumpaaw sanda nga sanda ro anang ginapatamaan ku ana ngatong istorya. Pero owa man nanda pagpadayuna ay nahadlok man sanda sa mga tawo nga apin kay Jesus.

Lucas 20:5

Nagpaeangutan-an dayon sanda, “Ano ro atong isabat kana? Kon hambaeon naton nga ro Dyos ro nagtao it otoridad kay Juan, ana man kita nga kutan-on kon ham-an it owa kita nagpati kay Juan.

Lucas 22:2

Ro mga pinuno it mga saserdote ag ro mga maestro it Kasuguan hay nagainusoy it ideya kon paalin nanda hipapatay si Jesus pero nahadlok man sanda ay basi magkagulo ro mga tawo.

Mga Binuhatan 2:23

Si Jesus ngara hay ginpatay ninyo paagi sa inyong pagtugyan kana sa alima it mga nagabaliwala sa *Kasuguan it Dyos, ag gineansang nanda imaw sa krus. Pero ginplano eon eagi ron it Dyos kato-kato pa, ag sayod imaw nga matuman ron.

Mga Binuhatan 3:15

Ro inyo't-a nga ginpapatay hay ro ginahalinan it kabuhi pero ginbanhaw imaw it Dyos, ag saksi kami karon.

Mga TagaRoma 8:17

Ag tungod mga unga kita it Dyos hay ana man kita nga mga manunubli ag kon ano ro panublion nga mabaton ni Kristo hay imaw man ro aton. Dahil nagaagi man kita it kasakit pareho man kato kay Kristo dahil sa atong pagtuo kana hay padunggan man kita kaibahan nana kon padunggan eon imaw.

Mga Hebreo 1:2

Pero sa rayang ulihing mga inadlaw ro Dyos hay nagpaabot katon ku anang gustong ipasayod paagi sa ana mismo nga Unga. Ro anang Unga man ro anang ginbutang nga magasakop ku tanan-tanan. Paagi man sa ana ngara nga unga hay gintuga it Dyos ro tanan-tanan sa kalibutan ag sa kaeangitan.