Lucas 20:11 - Inkeanon

¹¹ Ngani pinaadto eon man idto it tag-ana ro sambilog pa gid nana nga ulipon. Ginbakoe man ku mga manog-agsa ro ulipon ngato ag ginpakahuy-an. Pagkatapos, pinauli man rato imaw nga owa it dinaea.

Lucas 20:11 Iomraidhean Croise

Marcos 12:4

Ngani pinaadto eon man idto ku tag-ana ro anang sambilog pa gid nga ulipon. Pag-abot idto ku ulipon ngato hay binunaean imaw sa ueo ag ginpakahuy-an ku ratong mga manog-agsa.

Lucas 20:10

Tag tigpueu-pu eon it ubas, ginpaadto nana sa mga manog-agsa ro isaea sa anang mga ulipon agod bue-on ro anang hueay sa tubas. Pero pag-abot idto it ulipon hay binakoe ra imaw ku mga manog-agsa ag pinauli nga owa it dinaea.

Lucas 20:12

Pinaadto gihapon idto ku tag-ana ro sambilog pa gid nana nga ulipon. Ikatlo eon rato. Anda man gihapon rato nga ginbinakoe hasta nga nagkaeanina ag ginpilak dayon nanda sa guwa it ubasan.

Mga Binuhatan 7:52

May una gid baea nga propeta nga owa paghingabuta ku atong mga kalolo-lolohan? Ginpatay man nanda ro mga mensahiro it Dyos nga nagbalita parti sa isaeang ka matarong nga ipadaea nana iya sa ulihi, ag kamo makaron ro nagtraidor ag nagpatay ku pinadaea ngato.

1 Tesalonica 2:2

Hasayran man ninyo nga ginpaantos kami ag ginpakahuy-an tag idto pa kami sa Filipos bago kami nag-adto inha kinyo. Pero sayod namon nga indi kami pagpabay-an it aton nga Dyos, ngani nag-isog ro among buot ag nag-adto gihapon kami inha ag nagwali kinyo ku Mayad nga Balita nga halin sa Dyos bisan abo ro nagakuntra kamon.