Lucas 2:9 - Inkeanon

⁹ Gulpi eang dayon nga may nagpakita kanda nga anghel it Ginuong Dyos ag ginhayagan sanda ku grabi nga kasilaw it Dyos. Hinadlukan gid sanda it duro.

Lucas 2:9 Iomraidhean Croise

Mateo 1:20

Ruyon ro anang ginapaino-ino pagtueog nana. Ginpadamgo dayon imaw it Dyos ag sa anang damgo hay may sangka anghel it Ginuong Dyos nga nagpakita kana. Hambae ku anghel, “Jose, isaea sa mga inapo ni Haring David, padayuna ro pagpakasae kay Maria ay ro anang pagnabdos ngaron hay paagi't-a sa gahom it Espirito Santo.

Lucas 1:28

Nagpaeapit ro anghel kay Maria, nagtao it katahuran ag naghambae pa gid, “Maria, ginapakamaayo ka it Ginuong Dyos ag ginadipara ka nana permi.”

Lucas 2:8

Ku ruyon man nga gabii idto sa pahangeaban nga maeapit sa Betlehem hay may mga manogbantay it karnero nga nagabantay ku andang mga panong.

Lucas 24:4

Naglitik ro andang ueo kon ano ro natabo. Samtang nagainisip sanda hay gulpi eang dayon nga may daywang ka tawo nga nagtindog maeapit kanda nga kasilaw-silaw ro andang eambong.

Juan 12:41

Ginsueat ra ni Propeta Isaias dahil ginpakita eon kana kon paalin padunggan si Jesus, ag si Jesus man ro ginapatungdan ku anang ginsueat ngato.

Mga Binuhatan 12:7

Gulpi eang nga may anghel it Ginuo nga nag-abot ag naghayag ro sueod it prisuhan. Ana dayon nga ginsampok si Pedro sa kilid agod pukawon. Hambae nana, “Bangon eon! Dali!” Gulpi eang nga nahukas ro kadena sa mga alima ni Pedro.

Mga Binuhatan 27:23

Hasayran ko ra dahil kabii hay may nagpakita kakon nga anghel. Ginpadaea rato it Dyos nga nagatag-ana kakon ag akon nga ginasimba.

Mga Binuhatan 5:19

Pero ku gabii ngaron hay ginbuksan ku sangka anghel it Ginuo ro mga pwertahan it prisuhan ag ginpaguwa ro mga apostoles. Naghambae dayon kanda ro anghel,

2 Corinto 3:18

Ginbuoe eon tag nagatabon anay sa atong paino-ino ag makita eon naton ro pagkadaeayawon it Ginuo. Ag makita man sa atong kabuhi ro anang pagkadaeayawon dahil ana nga padayon nga ginabag-o ro atong pagginawi ag nagadinugang ro atong pagkamakana ag maabot ro adlaw nga mangin makana eon gid kita. Ro nagahimo kara hay ro Ginuo, paagi sa Espirito Santo.

2 Corinto 4:6

Ginahimo namon ra dahil ro Dyos nga naghambae nga maghayag eon tag madueom pa't-a ro kalibutan hay imaw man ro nagpahayag sa among kaisipan agod maeubtan namon nga una kay Jesu-Kristo ro pagkadaeayawon it Dyos.

1 Timoteo 3:16

Owa gid-a it makanigar nga grabi ro kahaega ku atong ginatuuhan parti kay Jesus nga ginpahayag eon it Dyos. Si Jesus hay nagpakatawo riya sa kalibutan, ginpamatud-an it Espirito kon sin-o gid imaw, nakita it mga anghel, ginwali sa bilog nga kalibutan, gintuuhan it mga tawo ag ginpakayab it Dyos sa eangit agod padunggan.

Mga Hebreo 12:21

Ro mga haagyan ngara ku mga tawo hay grabi 't-a sa kakueueba nga bisan ngani si Moises hay nakahambae nga nagakueurog mana ako sa sobrang kahadlok.

Pahayag 18:1

Pagkatapos karon, may hakita ako nga isaea eon man nga ka anghel nga nagapanaog halin sa eangit. Mataas gid ro rangko ku anghel ngato ag ginhayagan ku anang kasilaw ro kalibutan.

Pahayag 20:11

Ag nakakita ako it mabahoe nga puti nga trono, ag hakita ko man ro nagapungko idto, ag ro eangit ag ro eugta hay mat nagpaeagiw sa kahadlok sa nagapungko dikato. Naduea sanda nga matsa aso.