Lucas 2:7 - Inkeanon

⁷ Nag-unga imaw ku anang panganay ag eaki rato. Ana ra nga ginputos it lampin ag ginpaya sa pasungan nga kaean-an it sapat ay owa it bakanti nga kwarto sa baeay nga andang ginsakaan.

Lucas 2:7 Iomraidhean Croise

Mateo 1:25

pero owa sanda maghulid hasta owa matawo ro eapsag. Pagkatawo ku eapsag hay ginpangaeanan imaw ni Jose it Jesus.

Mateo 13:55

Unga man lang ra imaw ni Jose nga karpentero. Ag bukon abi it ina na kara si Maria, ag ro anang mga igmanghod hay sanday Santiago, Jose, Simon ag Judas?

Mateo 8:20

Nagsabat si Jesus, “Ro mga sapat sa taeon hay may buho nga ginaulian. Ro mga pispis hay may pugad, pero ako nga *Unga it Tawo hay owa gid it bisan maeugban.”

Lucas 10:34

Ana ra nga ginpaeapitan ag ginbueong it eana ag bino ro nina kara ag ginbugkusan. Pagkatapos hay ana ra nga ginpasakay sa ana mismong asno ag gindaea sa sangka baeay nga daeayunan, ag ana idto nga gindipara.

Lucas 2:6

tag idto eon sanda sa Betlehem hay rato man ro tyempo nga ginsaeapuan imaw.

Lucas 2:8

Ku ruyon man nga gabii idto sa pahangeaban nga maeapit sa Betlehem hay may mga manogbantay it karnero nga nagabantay ku andang mga panong.

Juan 1:14

Ro Mensahi hay nagpakatawo ag nag-istar imaw iya sa kalibutan kaibahan namon. Hakita gid namon ro anang eangitnon nga pagkadaeayawon, nga tanda nga imaw ro Owa't Kapareho nga ginpadaea iya it Dyos Ama. Sobra gid ro anang kabuot ag matuod tanan ro anang ginasugid.

2 Corinto 8:9

Kabay pa nga pursigido man kamo mag-amot ay sayod ninyo ro sobrang kabuot ku atong Ginuo nga si Jesu-Kristo. Bisan manggaranon imaw sa eangit hay nagpakapobre imaw para kinyo paagi sa anang pagpakatawo iya sa kalibutan agod paagi karon kamo hay mangin manggaranon.

Mga TagaGalacia 4:4

Pero pag-abot it oras nga gintaeana it Dyos hay ginpaadto nana iya sa kalibutan ro anang unga. Tawo gid imaw tungod gin-unga imaw it isaeang ka bayi nga Judio, ag nagkabuhi imaw nga hasakpan ku andang Kasuguan.