Lucas 2:40 - Inkeanon

⁴⁰ Nagbahoe si Jesus nga may mabaskog nga eawas ag indi matupungan nga kaaeam ag ginpinakamaayo imaw it Dyos.

Lucas 2:40 Iomraidhean Croise

Lucas 1:80

Nagtaliwan ro mga inadlaw ag nagbahoe si Juan nga makusog ag but-anan. Ku ulihi, nag-adto imaw sa *disyerto, ag idto nagtenir hasta umabot ro adlaw nga nagpakita imaw ag nagwali sa anang mga kadugo nga mga inapo ni Israel.

Lucas 2:47

Ro tanan nga nagapamati kana hay hangawa gid sa anang kaaeam ag sa anang pagsabat man sa mga pangutana ku mga maestro ngato.

Lucas 2:52

Nagbinahoe si Jesus ag nag-inaeam pa gid. Ginkinahamut-an pa gid imaw it Dyos ag ku mga tawo.

Juan 1:14

Ro Mensahi hay nagpakatawo ag nag-istar imaw iya sa kalibutan kaibahan namon. Hakita gid namon ro anang eangitnon nga pagkadaeayawon, nga tanda nga imaw ro Owa't Kapareho nga ginpadaea iya it Dyos Ama. Sobra gid ro anang kabuot ag matuod tanan ro anang ginasugid.

Mga Binuhatan 4:33

Paagi sa bulig it Dyos sa mga apostoles hay hapamatud-an gid nanda sa iba ro pagkabanhaw ni Ginuong Jesus. Ag ginpinakamaayo gid sanda tanan it Dyos.

Mga TagaEfeso 6:10

Ro akong katapusan nga mga bilin kinyo hay raya. Magpakalig-on kamo permi paagi sa gahom it Ginuo ay ro anang gahom hay indi matupungan.

2 Timoteo 2:1

Ngani, unga nakon sa pagtuo, magpakalig-on ka paagi sa bulig nga ginatao katon nga may maeueot nga kaangtanan kay Kristo Jesus.