Lucas 2:39 - Inkeanon

³⁹ Tag hatuman eon nanday Jose ag Maria ro tanan nandang dapat obrahon suno sa Kasuguan it Ginuong Dyos hay nag-uli sanda sa Nazaret nga sakop ku probinsya it Galilea.

Lucas 2:39 Iomraidhean Croise

Mateo 3:15

Pero nagsabat si Jesus, “Ayaw eon it balibad ay tama eang nga obrahon naton ra ay dapat nga tumanon naton ro tanan nga tama sa panueok it Dyos.” Ngani nagsugot si Juan nga bawtismuhan si Jesus.

Lucas 1:26

Tag an-om nga buean eon ro pagnabdos ni Elisabet hay ginsugo it Dyos ro anghel nga si Gabriel nga mag-adto sa banwa it Nazaret nga sakop ku probinsya it Galilea.

Lucas 1:6

Sandang mag-asawa hay parehas nga matarong sa mata it Ginuong Dyos. Nagkabuhi sanda nga nagasunod sa tanan nga anang kasuguan ag sueundanan,

Lucas 2:4

Nagpanaw si Jose halin sa Nazaret nga sangka banwa it Galilea paadto sa Betlehem nga sangka banwa man it Judea nga lugar nga natawuhan ni Haring David. Idto imaw nag-adto ay isaea imaw sa mga inapo ni Haring David.

Lucas 2:51

Nagmunot kanda si Jesus pauli sa Nazaret ag sa anang pagbahoe hay nagpadayon imaw nga matinumanon kanda. Ro tanan ngatong natabo hay gintanom ni Maria sa anang paino-ino.

Lucas 4:16

Pagkatapos, nag-adto si Jesus sa Nazaret nga banwang anang ginbahuean. PagkaAdlaw it Inogpahuway, nag-adto imaw sa sinagoga idto pareho ku ana perming ginaobra. Tag idto eon imaw, nagtindog imaw agod basahon it mabaskog ro Sagrado nga Kasueatan ag

Lucas 4:23

Naghambae si Jesus kanda, “Sigurado ako nga ihambae man ninyo kakon ro haeambaeunon nga, ‘Doktor, buenga ro imong kaugalingon.’ Ag inyo man ako nga hambaeon nga, ‘Obraha iya sa imong banwang ginbahuean ro tanan nga milagro nga among habatian nga gin-obra nimo sa syudad it Capernaum.’