Lucas 2:32 - Inkeanon

³² Imaw hay pareho it kahayag nga magapaathag ku imong kamatuuran sa mga bukon it *Judio. Ag tungod kana, pagapadunggan kami nga imong mga katawhan nga mga inapo ni Israel.”

Lucas 2:32 Iomraidhean Croise

Mateo 4:16

ro mga tawo sa mga lugar ngato hay matsa nagakabuhi sa kadueom pero may hakita eon sanda nga grabing kahayag. Owa sanda it pageaom dahil owa sanda it ibang dangaton kundi kamatayon, pero pareho man ku pagbutlak it adlaw sa agahon hay nahayagan man ro andang paino-ino.”

Lucas 2:10

Pero naghambae ro anghel, “Ayaw kamo mahadlok. May akon nga mayad nga balita kinyo nga makapalipay gid sa tanan nga mga tawo.

Lucas 2:31

Ginplano mo eon kon paalin makaeuwas ro tanan nga rasa it tawo ag hikita nanda ro magaeuwas kanda.

Mga Binuhatan 26:23

Ag ro andang ginhambae hay dapat nga mag-antos ro Maneueuwas nga ginpromisa it Dyos, pagapatyon imaw ag imaw man ro hauna nga mabanhaw. Dahil mabanhaw imaw hay mahayagan ro paino-ino it mga tawo, Judio man o bukon, kon paalin sanda maeuwas.”

Mga Binuhatan 28:28

Hambae pa gid ni Pablo, “Dapat ninyong masayran nga may ginpadaea ro Dyos nga mga gabalita sa mga bukon it Judio parti sa rayang kaeuwasan nga akong ginahinambae kinyo. Ag ro mga bukon it Judio ngato hay magapamati kara.”

1 Corinto 1:31

Ngani pareho sa nasueat sa Sagrado nga Kasueatan nga, “Kon may gapabugae, ro ana dapat nga ipabugae hay ro hinimuan it Ginuo.”

Pahayag 21:23

Owa man gakinahangean it hayag it adlaw o buean ro syudad ngato dahil mahayag eon rato sa kahayag ku pagkadaeayawon it Dyos, ag ro Tiyo it Karnero ro pinakaiwag idto.