Lucas 2:27 - Inkeanon

²⁷ Ginpaadto si Simeon ku Espirito Santo sa Templo ku ruyon man nga adlaw nga gindaea nanday Jose ro eapsag nga si Jesus agod tumanon ro ginapasunod it Kasuguan parti sa mga eapsag.

Lucas 2:27 Iomraidhean Croise

Mateo 4:1

Pagkabawtismo kay Jesus hay gin-giyahan imaw it Espirito Santo nga mag-adto sa *disyerto agod tentaron ni Satanas.

Lucas 2:22

Nag-abot eon ro adlaw nga kinahangean nga tumanon nanday Jose ag Maria ro kasuguan it Ginuong Dyos nga ginsueat ni Moises parti sa mga bayi nga bag-ong nakaunga. Ngani nag-adto sanda sa Jerusalem agod tumanon ro kasuguan ngato nga maghaead it pangsakripisyo nga daywang ka salampati o daywang ka talin nga alimukon. Gindaea man nanda ro eapsag nga si Jesus agod ihaead sa Ginuong Dyos ay suno sa *Kasuguan it Dyos hay “Ro kada panganay nga eaki hay ana eang it Ginuong Dyos.”

Lucas 2:28

Pagkakita kanda ni Simeon hay ginbuoe nana ro eapsag ag ginkuekoe. Nagdayaw dayon imaw sa Dyos. Sinana,

Lucas 2:41

Kada dag-on hay nagapaJerusalem sanday Jose ag Maria para sa Pagtililipon sa Pagdumdum ku *Pagtaliwan.

Lucas 2:48

Pagkakita nanday Jose kay Jesus hay hangawa gid sanda it duro. Nagpaeapit ro anang ina ag naghambae kana, “Toto, ham-an it haobra mo't-a ra kamon? Nahawag gid kami ni Tatay mo kimo ngani gin-inusoy ka namon.”

Lucas 2:51

Nagmunot kanda si Jesus pauli sa Nazaret ag sa anang pagbahoe hay nagpadayon imaw nga matinumanon kanda. Ro tanan ngatong natabo hay gintanom ni Maria sa anang paino-ino.

Lucas 4:1

Ginagamhan eon si Jesus it Espirito Santo tag naghalin imaw sa suba it Jordan. Gin-giyahan dayon imaw it Espirito Santo nga mag-adto sa *disyerto.

Mga Binuhatan 10:19

Samtang nagapinalitik pa si Pedro ku kahueugan ku ginpakita ngato kana it Dyos, naghambae kana ro Espirito Santo, “May tatlong ka tawo nga nagausoy kimo.

Mga Binuhatan 11:12

Ginhambae ako it Espirito Santo nga indi ako magbalibad kundi magmunot ako kanda, bisan bukon sanda it Judio. Ngani nagmunot ako kanda sa baeay ku nagpasueang kakon, kaibahan ro an-om ngara natong ka igmanghod halin sa Joppa.

Mga Binuhatan 16:7

Pag-abot nanda sa dueunan it probinsya it Misia hay nagplano sanda nga maadto sa probinsya it Bitinia pero owa sanda pagsugti it Espirito Santo.

Mga Binuhatan 8:29

Naghambae ro Espirito Santo kay Felipe, “Subeanga ro karwahe ngaron ag dunganan mo dayon.”

Mga TagaGalacia 4:4

Pero pag-abot it oras nga gintaeana it Dyos hay ginpaadto nana iya sa kalibutan ro anang unga. Tawo gid imaw tungod gin-unga imaw it isaeang ka bayi nga Judio, ag nagkabuhi imaw nga hasakpan ku andang Kasuguan.

Pahayag 1:10

Isaeang ka adlaw kato it Dominggo, tag ginagamhan ako it Espirito Santo hay nakabati ako it mabaskog gid nga limog sa akong may likod kampi ag ro limog ngato hay matsa tunog it trumpeta kon pamatian.

Pahayag 17:3

Gin-gamhan dayon ako it Espirito Santo ag gindaea ako it anghel sa *disyerto. Nakakita ako idto it isaeang ka bayi nga nagasakay sa isaeang ka puea nga makahaeadlok nga sapat. Ro sapat ngato hay may pitong ka ueo ag napueong ka sungay. Ro eawas ku sapat ngato hay puno it nakasueat nga mga tawag sa Dyos nga anang ginaako nga ana't-a.