Lucas 2:25 - Inkeanon

²⁵ May isaeang ka tagaJerusalem nga si Simeon ro ngaean. Matarong ra imaw nga tawo ag matinumanon sa Dyos. Nagahawat-hawat gid ra ginhawa nga euwason it Dyos ro anang mga kadugo nga mga inapo ni Israel ag ginagamhan ra imaw permi it Espirito Santo.

Lucas 2:25 Iomraidhean Croise

Marcos 15:43

gin-isog ni Jose nga tagaArimatea ro anang buot ag nag-agto imaw kay Pilato, ag ginhinyo nga itao kana ro eawas ni Jesus. Si Jose ngara hay sambilog sa mga taeahaon nga myembro it *Sanedrin, ag nagapaabot gid ku oras nga magahari eon gid ro Dyos sa anang mga sinakpan.

Lucas 1:41

Pagkabati ni Elisabet ku pagpangamusta ni Maria hay nagsinta sa kalipay ro eapsag sa ana nga tiyan ag gin-gamhan si Elisabet it Espirito Santo,

Lucas 1:6

Sandang mag-asawa hay parehas nga matarong sa mata it Ginuong Dyos. Nagkabuhi sanda nga nagasunod sa tanan nga anang kasuguan ag sueundanan,

Lucas 1:67

Ro tatay ni Juan nga si Zacarias hay gin-gamhan it Espirito Santo ag naghambae imaw it mensahi halin sa Dyos:

Lucas 2:38

Tag idto sanday Jose sa Templo hay nagpaeapit si Ana kanda ag nagpasaeamat imaw sa Dyos dahil sa andang unga. Ag ginsinugid dayon nana ro parti sa unga ngato sa tanan idto nga nagahueat man ku oras nga pagahilwayon it Dyos ro tanan nga mga inapo ni Israel.

Mga Binuhatan 10:2

Nagataha ag nagasimba sa Dyos si Cornelius pati man ro anang panimaeay. Imaw ra hay nagabinulig gid sa mga ginakueang ag permi man imaw nga nagapangamuyo sa Dyos.

Mga Binuhatan 10:22

Nagsabat sanda, “Ginpaadto kami riya ku among amo nga si Cornelius. Kapitan ra imaw it 100 nga ka soldado. Matarong ra imaw ag nagasimba sa Dyos ag ginadayaw ku tanan nga mga Judio. Ginsugo imaw ku sangka balaan nga anghel nga ipasueang ka ag pamatian kon ano ro imong ihambae.”

Mga Binuhatan 2:5

Ku ratong tyempo, may idto man sa Jerusalem nga mga *Judio nga matinumanon sa Dyos nga naghalin pa sa kon siin-siin nga lugar sa ibabaw it kalibutan.

Mga Binuhatan 24:16

Mawron ngani nga nagatinguha gid ako nga indi magkasaea sa Dyos ag sa tawo, agod limpyo permi ro akong konsensya.

2 Pedro 1:21

Owa abi it ginhambae nga mensahi ro mga propeta nga halin eang sa andang gusto ag paino-ino kundi ro Espirito Santo ro naggiya kanda sa paghambae nanda it mensahi nga halin sa Dyos.