Lucas 2:15 - Inkeanon

¹⁵ Pagkatapos, naghalin ro mga anghel ag nagbalik sa eangit. Pagkahalin nanda, nagsaeampitan ro mga manogbantay ngato, “Musyon, maadto kita sa Betlehem ag tan-awon naton rondaya nga natabo nga ginsugid katon it Ginuong Dyos paagi sa anang anghel.”

Lucas 2:15 Iomraidhean Croise

Mateo 12:42

Pag-abot ku adlaw it paghukom, magatindog man ag magasaksi kuntra kinyo ro rayna it Seba, tungod imaw ngani hay nagbiyahe halin pa sa kaeayo-eayo nga lugar agod eang magpamati sa pagturo ku maaeam nga hari nga si Solomon. Pero may mas pa kay Solomon iya kinyo ugaling hay owa gid kamo nagainato sa anang ginaturo.”

Lucas 2:14

“Daeayawon ro Dyos sa pinakamataas nga kaeangitan, ag sa kalibutan hay katawhayan sa mga katawhan nga anang nahamut-an.”

Lucas 2:16

Nagdali-dali sanda it pag-adto idto sa Betlehem ag anda nga gin-usoy ro ginhambae it anghel. Hakita nanda sanday Maria ag Jose ag hakita man nanda ro eapsag nga napaya sa pasungan.

Lucas 24:51

Samtang ginabendisyunan nana sanda hay amat-amat imaw nga nagbueag kanda ag ginpakayab sa eangit.

1 Pedro 3:22

Idto eon si Kristo sa eangit sa pinakadungganon nga pwesto sa tuo it Dyos ag ginbutang eon sa anang paghari ro mga anghel ag ro iba pa nga mga espirito nga may otoridad ag gahom.