Lucas 2:14 - Inkeanon

¹⁴ “Daeayawon ro Dyos sa pinakamataas nga kaeangitan, ag sa kalibutan hay katawhayan sa mga katawhan nga anang nahamut-an.”

Lucas 2:14 Iomraidhean Croise

Mateo 21:9

Ro mga tawo nga nagauna kay Jesus ag ro mga nagasunod hay nagasilinggit. Sinanda, “Dayawon ro apo ni Haring David! Daeayawon raya nga ginpadaea iya it Ginuong Dyos! Dayawon ro Dyos sa pinakamataas nga kaeangitan!”

Lucas 1:79

Magatao imaw it kahayag sa mga tawo nga matsa nagakabuhi sa kadueom, ag owa it pageaom dahil owa sanda it ibang dangaton kundi kamatayon. Ag ana kita nga giyahan sa aton nga daean agod makapangabuhi kita nga may paghidait sa Dyos, ag may kalinong sa atong tagipusuon.”

Lucas 19:38

Hambae nanda, “Daeayawon ro hari nga ginpadaea iya it Ginuong Dyos! Paagi kana hay makapanumbalik eon kita sa Dyos sa eangit! Daeayawon ro Dyos sa pinakamataas nga kaeangitan!”

Lucas 2:13

Gulpi dayon nga nag-iba sa anghel ngato ro kaabo-abo pa gid nga mga anghel halin sa eangit. Nagdayaw sanda sa Dyos. Sinanda,

Lucas 2:15

Pagkatapos, naghalin ro mga anghel ag nagbalik sa eangit. Pagkahalin nanda, nagsaeampitan ro mga manogbantay ngato, “Musyon, maadto kita sa Betlehem ag tan-awon naton rondaya nga natabo nga ginsugid katon it Ginuong Dyos paagi sa anang anghel.”

Lucas 3:22

ag nagpanaog ro Espirito Santo nga kaitsura it salampati ag naghapon kana. May naghambae dayon halin sa eangit, “Ikaw ro akong palangga nga unga. Nalipay gid ako it duro kimo.”

Juan 14:27

Aywanan ko kamo it katawhayan sa inyong tagipusuon. Rayang katawhayan mismo hay iya man kakon ag ginatao ko ra kinyo. Ro katawhayan nga itao ko kinyo hay eain gid sa katawhayan nga ginatanyag it kalibutan. Ngani ayaw kamo it palitik ag ayaw kamo magpaeuya it inyong buot.

Juan 17:4

Ginpakita ko sa mga tawo iya sa kalibutan nga daeayawon ka nga Dyos paagi sa pagtapos nakon ku imong oeobrahon nga imong ginpaobra kakon.

Juan 3:16

“Matuod ron ay makaraya kabahoe ro paghigugma it Dyos sa mga tawo iya sa kalibutan nga ana nga gintao ro anang Unga, ro Owa't Kapareho, agod mangin sakripisyo agod ro tanan nga magatuo kana hay indi mapaimpyerno kundi may kabuhi nga owa it katapusan.

Mga Binuhatan 10:36

Ginpahayag it Dyos kamon nga mga inapo ni Israel ro Mayad nga Balita nga puydi eon makapanumbalik ro mayad nga relasyon it tawo sa Dyos, paagi kay Jesu-Kristo nga Ginuo it tanan.

Mga TagaRoma 5:1

Ngani dahil kita hay ginbilang eon nga matarong it Dyos paagi sa atong pagtuo, may aton eon nga paghidait sa Dyos dahil sa ginhimo ku atong Ginuo nga si Jesu-Kristo.

Mga TagaEfeso 1:6

Ngani dayawon gid naton ro Dyos sa anang sobrang kabuot nga anang ginpakita katon tungod sa maeueot naton nga kaangtanan sa anang palangga nga Unga.

Mga TagaEfeso 1:9

Ro anang plano ngaron hay owa anay kato ginpahayag pero makaron hay nalipay imaw nga ipahayag ron katon. Kato pa eagi hay ginplano na eon nga tumanon ron paagi kay Kristo.

Mga TagaEfeso 2:4

Pero maeueuy-on gid ro Dyos ag mabahoe gid ro anang paghigugma katon.

Mga TagaEfeso 2:7

Ginhimo ra it Dyos agod hasta sa owa't katapusan hay ikapakita nana ro anang paghigugma ag sobrang kabuot nga indi matupungan, nga anang ginpakita katon paagi kay Kristo Jesus.

Mga TagaFilipos 2:11

Ag magahambae sanda tanan nga si Jesu-Kristo ro gamhanan nga Ginuo, ag mapadunggan man kara ro Dyos nga Ama.

Mga TagaFilipos 2:13

Mahimo ninyo ron dahil ro Dyos ro nagatao kinyo it kabubut-on ag ikasarang nga himuon ro makapalipay kana.

Mga TagaColosas 1:20

Ag ginplano man it Dyos nga paagi kay Kristo hay makapanumbalik kana ro tanan sa eangit ag sa eugta. Paagi sa dugo ni Kristo nga nag-ilig tag gineansang imaw sa krus hay ginbuoe it Dyos ro nagaueot kana ag sa tawo.

2 Tesalonica 2:16

Ginahigugma kita it Dyos. Dahil sa anang sobrang kabuot hay ana kita nga gintaw-an it owa it katapusan nga pagpabaskog it buot, ag kasiguruhan ku atong mayad nga kahimtangan sa ulihi. Nagapangamuyo kami nga ro atong Ginuo mismo nga si Jesu-Kristo ag ro Dyos nga atong Ama

Pahayag 5:13

Ag habatian ko man ro tanan nga tinuga sa eangit, sa eugta, sa idaeom it eugta ag sa dagat nga gahinambae it makaraya: “Dapat nga dayawon ag padunggan hasta sa owa it katapusan ro nagalingkod sa trono ag ro Tiyo it Karnero nga gamhanan ag may otoridad sa pagdumaea sa tanan.”