Lucas 2:13 - Inkeanon

¹³ Gulpi dayon nga nag-iba sa anghel ngato ro kaabo-abo pa gid nga mga anghel halin sa eangit. Nagdayaw sanda sa Dyos. Sinanda,

Lucas 2:13 Iomraidhean Croise

Lucas 15:10

Ginahambae ko kinyo nga magakalipay ro mga anghel it Dyos kon may sangka makasasaea nga maghinuesoe ag magtalikod sa anang mga saea.”

Lucas 2:12

Ro paeatandaan nga matuod ro akon nga ginahambae hay makakita kamo it eapsag nga naputos it lampin ag napaya sa pasungan.”

Lucas 2:14

“Daeayawon ro Dyos sa pinakamataas nga kaeangitan, ag sa kalibutan hay katawhayan sa mga katawhan nga anang nahamut-an.”

Mga TagaEfeso 3:10

agod ikapahayag nana makaron nga kita nga mga nagatuo kay Jesus ro katumanan ku plano ngaron. Kon makita ron ku mga pinuno it mga anghel ag ku iba pa nga may gahom sa eangit hay maeubtan nanda ro kaaeam it Dyos nga anang ginapakita sa kaabo-abo ag sari-saring paagi.

1 Timoteo 3:16

Owa gid-a it makanigar nga grabi ro kahaega ku atong ginatuuhan parti kay Jesus nga ginpahayag eon it Dyos. Si Jesus hay nagpakatawo riya sa kalibutan, ginpamatud-an it Espirito kon sin-o gid imaw, nakita it mga anghel, ginwali sa bilog nga kalibutan, gintuuhan it mga tawo ag ginpakayab it Dyos sa eangit agod padunggan.

Mga Hebreo 1:14

Hay ano gali ro mga anghel kon mawron? Sanda ro mga indi makita nga mga tinuga nga nagaserbi sa Dyos, ag sanda hay ana nga ginapadaea para sa ikamayad ku mga tawo nga ro dangaton hay kaeuwasan halin kana.

1 Pedro 1:12

Ginpahayag dayon kanda it Dyos nga ro andang ginahambae hay bukon it para sa andang kamaeayran sa ratong tyempo kundi para't-a sa inyong kamaeayran sa makarong tyempo. Ro ginasugid kinyo makaron ku mga manogturo it Mayad nga Balita sa bulig kanda it Espirito Santo nga ginpaadto it Dyos halin sa eangit hay katumanan ku mga ginhambae ngato ku mga propeta. Bisan ngani ro mga anghel hay naila man nga maeubtan gid it mayad ro mga bagay ngaron.

Pahayag 5:11

Hakita ko dayon ro minilyon nga ka mga anghel nga nagalibot sa nagalingkod sa trono ag sa ap-at nga ka buhi nga tinuga ag sa 24 ngato ka mga manogdumaea. Habatian ko ro andang limog