Lucas 19:42 - Inkeanon

⁴² Naghambae imaw, “Kamo't-a nga mga tagaJerusalem ro dapat kunta nga mas nakasayod kon paalin kamo makaagi it kalinong ugaling ginlipod eon don kinyo.

Lucas 19:42 Iomraidhean Croise

Lucas 19:41

Tag maeapit eon si Jesus sa Jerusalem, ginpamantaw nana ra ag nagtangis imaw sa kaeuoy sa mga pumueuyo idto.

Lucas 19:43

Maabot gid ro adlaw nga palibutan kamo ku inyong mga kaaway ag kulungon nga owa gid kamo it maeusutan.

Lucas 19:44

Anda nga waskon ro inyong syudad ngaron ag pamatyon nanda kamo tanan nga mga pumueuyo pati ro inyong mga unga. Owa gid it hibinlan nga nagataeangkas ku mga bato sa inyong syudad. Ruyon ro inyong dangaton ay inyo nga ginbaliwala ro kahigayunan nga iya pa ro Maneueuwas kinyo.”

Mga Binuhatan 10:36

Ginpahayag it Dyos kamon nga mga inapo ni Israel ro Mayad nga Balita nga puydi eon makapanumbalik ro mayad nga relasyon it tawo sa Dyos, paagi kay Jesu-Kristo nga Ginuo it tanan.

Mga Binuhatan 13:46

Pero maisog ro buot nanday Pablo ag Barnabas sa pagsabat kanda. Hambae nanda, “Kamo ro hauna nga ginsugiran namon ku mensahi nga halin sa Dyos ag duyon gid ma't-a dapat. Pero dahil indi ma't-a kamo magbaton kara, ag kon kinyo hay owa kamo gakinahangean ku mensahi parti sa kabuhi nga owa it katapusan, ngani indi eon kami magturo kinyo kundi sa mga bukon it Judio la't-a.

Mga Hebreo 3:13

Agod indi matabo ro makaruyon kinyo hay dapat nga magbueuligan kamo sa pagpalig-on ku inyong pagtuo adlaw-adlaw myentras iya pa kita sa tyempo nga ginatawag nga “Makaron,” kon siin posible eon nga maeuwas ro tawo. Kon obrahon ninyo ron hay owa kinyo it hipapati nga owa it problema bisan magpinakasaea kamo. Pero kon nagapati kamo karon hay hapataeang eon kamo ay ro bunga karon hay mangin dungean kamo sa hambae it Dyos.

Mga Hebreo 3:15

Dumduma ninyo it uman ro ginhambae it Sagradong Kasueatan nga, “Sa makaron nga tyempo, kada may ginahambae kinyo ro Dyos hay pamati kamo. Ayaw kamo magpatig-a it ueo pareho ku gin-obra ku inyo nga mga kalolo-lolohan kato tag nagsinukoe sanda kakon.”

Mga Hebreo 3:7

Ngani dapat nga dumdumon naton ro ginpasueat it Espirito Santo sa Sagradong Kasueatan nga, “Sa makaron nga tyempo, kada may ginahambae kinyo ro Dyos hay pamati kamo.