Lucas 19:13 - Inkeanon

¹³ Bago imaw magpanaw, ginpatawag nana ro napueo sa anang mga ulipon ag ginpanueupuran it tig sambilog nga kwarta nga minas kon tawgon. Ginhambae dayon nana sanda, ‘Gamita ron ninyo sa negosyo samtang owa pa ako.’

Lucas 19:13 Iomraidhean Croise

Mateo 25:16

Ro gintugyanan it limang ka talanton hay nagnegosyo eagi ag nakaginansya imaw it lima man.

Mateo 25:20

Ro sueuguon nga gintugyanan it limang ka talanton hay nag-abot ag hambae nana, ‘Sir, nakaginansya ako it limang ka talanton sa lima ngato nga imong gintugyan kakon. Hara o.’

Mateo 25:22

“Nag-abot man dayon ro sueuguon nga gintugyanan it daywang ka talanton. Hambae nana, ‘Sir, hara o, nakaginansya ako it daywa man sa ratong daywang ka talanton nga gintugyan mo kakon.’

Mateo 25:24

“Nag-abot man ro sueuguon nga gintugyanan it sangka talanton. Hambae nana, ‘Sir, sayod ako nga masyado ka nga tawo. Ginaani mo bisan bukon it imong tinamnan ag ginabuoe mo ro owa mo pagkabudlayi.

Lucas 19:12

Hambae ni Jesus, “May sangka prinsipe nga ginbutang nga hari ku andang lugar. Ngani nag-adto imaw sa sangka maeayo nga lugar agod batunon ro anang katungdanan ngato ag pagkatapos hay mauli man imaw agod magpungko bilang hari.

Lucas 19:14

Pero ginakaugtan 't-a gali imaw ku iba nanang mga kasimanwa ngani pagkahalin nana hay may ginpaadto sanda nga tawo idto sa nagbutang sa prinsipe nga mangin hari nanda. Ginapapahambae nanda nga owa sanda naila sa prinsipe ngato nga mangin andang hari.

Juan 12:26

Ro gustong magserbi kakon hay dapat nga magsunod kakon bisan magkainalin, ag sa ulihi hay magaiba imaw kakon sa akong aeadtunan. Ro tanan nga nagaserbi kakon hay pagapadunggan ku akong Ama.”

Mga TagaGalacia 1:10

Ano ro inyong eaom, nagapadayaw-dayaw ako sa mga tawo sa akong ginhambae? Owa! Ro akon eang hay gusto ko nga malipay ro Dyos kakon. Kon nagahandom gihapon ako nga dayawon it mga tawo hay bukon eon dayon ako it bagay nga bilangon nga ulipon ni Kristo.

Santiago 1:1

Raya nga sueat hay halin kakon nga si Santiago nga isaeang ka ulipon it Dyos ag ni Ginuong Jesu-Kristo. Nagasueat ako kinyo nga mga inapo ni *Israel nga nagatuo kay Jesu-Kristo ag nagaistar eon sa nagakaeain-eain nga lugar sa kalibutan. Kumusta lang kinyo tanan.

2 Pedro 1:1

Raya nga sueat hay halin kakon nga si Simon Pedro, nga isaeang ka ulipon ni Jesu-Kristo ag isaea sa anang mga *apostoles. Nagasueat ako kinyo nga nagatuo man kay Jesu-Kristo nga atong Dyos ag Maneueuwas. Ag tungod nga matarong imaw ag owa it pinaeabi hay paeareho ro pagtuo nga gintao nana katon tanan.