Lucas 19:10 - Inkeanon

¹⁰ Ro pinakarason nga nag-adto iya ako nga Unga it Tawo hay agod usuyon ag euwason sa pina it saea ro mga nagtaeang.”

Lucas 19:10 Iomraidhean Croise

Mateo 1:21

Magaunga imaw it eaki ag pangaeanan mo ro eapsag it Jesus ay imaw ro magaeuwas ku anang mga katawhan sa pina ku andang mga saea.”

Mateo 10:6

kundi idto kamo adto sa aton nga mga kadugo nga mga inapo ni Israel, tungod pareho sanda it mga karnero nga nagtaeang ag nagkaeaduea.

Mateo 15:24

Ginsabat dayon ni Jesus ro bayi, “Ginpaadto ako iya ku Dyos para eang sa mga inapo ni Israel, ay pareho sanda it mga karnero nga nagtaeang ag nagkaeaduea.”

Mateo 18:10

Naghambae pa gid si Jesus, “Ayaw gid ninyo pagtuya-tuyaa bisan sambilog sa mga mapainubuson ngara nga nagatuo kakon. Ginahambae ko eagi kinyo nga ro mga anghel nga manogbantay nanda hay makapakigkita bisan anong oras sa akong Ama sa eangit.

Mateo 18:11

[Ako nga Unga it Tawo hay nag-adto iya agod euwason ro mga nagtaeang.”]

Lucas 15:32

Pero dapat kita nga magselebrar ag magkalipay ay ro imong manghod nga eaom naton nga patay eon hay buhi't-a gali. Naduea imaw pero nag-uli eon.’ ”

Lucas 15:8

Hambae pa gid ni Jesus, “Kon may sangka bayi nga may 10 bilog nga pilak nga kwarta ag naduea ro sambilog, bukon abi it masindi imaw it iwag ag ana nga silhigan ro bilog nga baeay ag usuyon it mayad hasta hikita nana rato?

Juan 3:17

Owa pagpaadtuna it Dyos iya sa kalibutan ro anang Unga agod sintinsyahan nga pinahan ro mga tawo, kundi agod maeuwas sanda paagi kana.

Mga TagaRoma 5:6

Tag owa gid kita it mahimo agod magpundo sa pagpakasaea, sa tama nga oras nga gintaeana it Dyos hay namatay si Kristo por dahil katon nga mga owa it kahadlok kana.

Mga Hebreo 7:25

Ngani sarang nana nga euwason it tueos ag hasta sa owa it katapusan ro bisan sin-o nga magpaeapit sa Dyos paagi kana. Buhi imaw hasta sa owa it katapusan ag nagahinyo permi sa Dyos para kanda sa andang kinahangeanon.