Lucas 18:9 - Inkeanon

⁹ Nagsugid pa gid si Jesus it sangka paanggid nga istorya sa mga tawo idto nga nagapati gid-a nga mga matarong sanda ngani andang ginasika-sika ro iba.

Lucas 18:9 Iomraidhean Croise

Lucas 10:29

Pero gusto ku maestro it Kasuguan nga paguwaon nga tama nga pilion eang nana ro anang higugmaon ngani nagpangutana imaw kay Jesus, “Hay sin-o man abi ro akon nga isigkatawo nga dapat kong higugmaon?”

Lucas 15:2

Pero ro mga Pariseo ag ro mga maestro it Kasuguan hay nagminueo-mueo sa ginaobra ngaron ni Jesus. Hambae nanda, “Tan-awa tuo ro tawo ngara. Ginabaton nana ro mga makasasaea ngaron nga nagainadto kana, ag gainiba pa imaw kanda sa pagkaon.”

Lucas 16:15

Pero ginhambae sanda ni Jesus, “Kamo't-a ro akong ginapatungdan sa akon ngatong istorya nga nagapapati sa mga tawo nga tama gid kamo pero sayod it Dyos ro inyong kabubut-on. Ro mga ginadayaw abi it tawo hay imaw man ron ro ginakangil-aran it Dyos.”

Lucas 18:11

Nagtindog ro Pariseo ag nagpangamuyo nga ginapabugae ra kaugalingon. Hambae nana, ‘Gapasaeamat ako kimo, Dyos ko, nga bukon ako it pareho ku ibang tawo nga buyong, bukon it matarong, ag hangawatan. Ag gapasaeamat gid-ang nga bukon ako it pareho ku *manogsukot it buhis ngato.

Lucas 19:7

Pagkakita kara ku mga tawo hay nagkinumod sanda tanan. Hambae nanda, “Ham-an it idto 't-a imaw gadayon sa baeay it sangka makasasaea?”

Lucas 7:39

Pagkakita kara it Pariseo nga nagkangay kay Jesus, sinana sa anang paino-ino, “Kon matuod imaw ra nga propeta it Dyos hay hasayran eon kunta nana kon anong bayiha ro nagatinabing ngaron kana, ay makasasaea ro bayi ngaron!”

Juan 8:48

Naghambae dayon ro mga Judio ngato kay Jesus, “Tama gid-a ro amon nga hambae nga pareho ka sa makangingil-ad nga Samaritanhon ag ginagamhan ka pa it demonyo!”

Juan 9:28

Pagkabati kara nanda hay gintuya-tuya nanda imaw. Hambae nanda, “Makimo ay! Ikaw 't-a maton ro sumueunod ku tawo ngaron pero kami't-a hay ay Moises.

Juan 9:34

Naghambae dayon ro mga Pariseo, “Matsa sin-o ka gid a! Halin pa ku pagbugtaw mo sa kalibutan hay nagapinakasaea ka eon, tapos imo pa kami nga tud-an?” Indi eon nanda imaw pagpasudlon sa sinagoga.

Mga Binuhatan 22:21

Naghambae dayon ro Ginuo kakon, ‘Panaw eon ay paadtunon ta sa maeayo nga mga lugar it mga bukon it Judio.’ ”

Mga TagaRoma 14:10

Ngani ham-an it imong ginahusgahan ag ginasika-sika ro imong igmanghod sa pagtuo? Dumduma nga kita tanan hay magatindog sa atubang it Dyos ag imaw ro magahusgar katon.

Mga TagaRoma 14:3

Ro nagakaon it bisan ano hay indi dapat magsika-sika sa mga may ginalikawan nga pagkaon. Ag ro mga nagalikaw ngaron hay indi man dapat magpanghusgar sa nagakaon it bisan ano eang ay ginabaton man ron sanda it Dyos.

Mga TagaRoma 7:9

Kato hay kuntento eo't-a ako sa akong pagpangabuhi ay owa ako kaeubot kon ano gid ro madaeom nga kahueugan ku Kasuguan it Dyos. Pero pagkasayod ko eon hay dikato ko man nasayri nga grabi gali ro akong pagkamakasasaea.