Lucas 18:7 - Inkeanon

⁷ Bukon abi it mas kapin pa gid ro Dyos nga matarong gid? Anang taw-an it hustisya ro anang mga pinili nga katawhan nga ginmaltrato nga nagapinangayo it bulig kana adlaw-gabii. Indi gid imaw matak-an sa andang pagpinangayo kana.

Lucas 18:7 Iomraidhean Croise

Mateo 24:22

Kon indi pagtag-uran it Dyos ro mga inadlaw ngaron hay owa it hibilin nga buhi sa ibabaw it kalibutan. Pero tag-uran gid man nana ro mga inadlaw ngaron por dahil sa mga ginpili nana nga anang mga katawhan.

Mateo 24:24

Ginapauna ko eagi ra kinyo dahil may mga magapakuno-kuno nga sanda ro Maneueuwas nga ginpromisa it Dyos. Ro iba ma't-a kanda hay magapakuno-kuno nga mga propeta it Dyos. Magahimo sanda it mga grabi nga milagro ag mga makangawa-ngawa nga mga bagay, bilang pamatuod kon sin-o kuno sanda agod hipataeang ro mga tawo ag kon mahimo, bisan pa ro mga pinili it Dyos nga anang mga katawhan.

Mateo 7:11

Kon kamo nga mga maeain hay nagatao ngani it manami sa inyong mga unga, mas kapin pa gid ro inyong Ama sa eangit. Itao nana ro mayad sa nagapangayo kana.

Lucas 11:13

Kon kamo nga mga maeain hay nagatao ngani it manami sa inyong mga unga, mas kapin pa gid ro Ama sa eangit. Itao nana ro Espirito Santo sa nagapangayo kana.”

Lucas 2:37

Otsenta e kwatro anyos eon imaw nga nabaeo ag idto imaw permi sa Templo. Adlaw-gabii hay nagasimba imaw sa Dyos. Permi man imaw nga nagapuasa ag nagapangamuyo.

Lucas 21:28

Ngani kon nagaumpisa eon it katabo ro mga butang ngara hay baskuga ro inyong buot ag ayaw kamo it kahadlok ay madali eon lang ro paghilway kinyo.”

Mga TagaRoma 8:33

Sin-o ro makaakusar katon nga mga pinili it Dyos agod sintinsyahan kita nga pinahan hasta sa owa it katapusan? Ro Dyos baea? Bukon, tungod imaw ngani ro nagbilang katon nga matarong sa anang panueok. Si Kristo Jesus baea? Bukon, tungod imaw pa ngani ro namatay ag nabanhaw pa gid para katon ag idto imaw makaron sa tuo it Dyos nga nagadepensa katon.

Mga TagaColosas 3:12

Ngani bilang mga pinili it Dyos, mga pinaeain agod mangin ana nga mga pinalangga nga katawhan, magmangin maeueuy-on kamo, mabinuligon, mapainubuson, maeueo ag matiniison.

1 Tesalonica 3:10

Adlaw-gabii hay nagapakitluoy gid kami sa Dyos nga kabay pa nga magkililita kita it uman, agod mas mapalig-on pa gid namon ro inyong pagtuo.

2 Tesalonica 1:6

Ag dahil matarong ro Dyos kon maghusgar, mawron nga sa ulihi hay anang baeusan it kalisdanan ro mga nagapakalisod kinyo

1 Timoteo 5:5

Ro mga baeo nga bayi nga owa eon gid-a it kapamilya ag kaigbataan hay nagasalig eamang sa Dyos ag nagapangamuyo sa adlaw ag gabii ag nagapangayo it bulig kana.

2 Timoteo 1:3

Permi ko gid ikaw nga ginasambit sa akong pagpangamuyo adlaw-gabii, ag ginapasaeamatan ko ro Dyos dahil kimo. Imaw ro Dyos nga akong ginasimba pareho ku akong mga kalolo-lolohan, ag malimpyo ro akong konsensya sa akong pagserbi kana.

2 Timoteo 2:10

Ngani ginatiis ko ro bisan ano por dahil sa mga pinili it Dyos, agod nga maeuwas man sanda paagi sa ginhimo ni Kristo Jesus, ag sa ulihi hay masamitan nanda ro grabi it nami nga kahimtangan idto sa eangit hasta sa owa it katapusan.

Tito 1:1

Raya nga sueat hay halin kakon nga si Pablo nga isaeang ka ulipon it Dyos ag *apostol ni Jesu-Kristo. Ginpadaea ako it Dyos agod palig-unon ro pagtuo it mga tawo nga anang ginpili nga mangin anang katawhan, ag agod ipasayod kanda ro tama nga doktrina nga magagiya kanda nga magkabuhi nga matinumanon sa Dyos.

1 Pedro 1:1

Raya nga sueat hay halin kakon nga si Pedro nga sangka *apostol ni Jesu-Kristo. Nagasueat ako kinyo nga mga katawhan nga pinili it Dyos nga nagapangabuhi bilang mga umaeagi iya sa ibabaw it kalibutan nga makaron hay nagaistar eon sa nagakaeain-eain nga lugar sa mga probinsya it Pontus, Galacia, Capadosia, Asya ag Bitinia.

2 Pedro 3:9

Kon makaruyon, indi naton mahambae nga ulihi ro Ginuo sa pagtuman ku anang promisa nga magabalik imaw, bisan makaruyon ro ginahambae it iba. Pero ro matuod hay nagapasensya imaw kinyo, ay owa imaw naila nga may bisan sambilog nga hipinahan sa impyerno, kundi ro anang gusto hay maghinuesoe ag magtalikod ro tanan nga tawo sa andang mga kasae-anan.

Pahayag 18:20

Magkalipay kamo tanan nga inha sa eangit, kamo nga mga apostoles ag mga propeta it Dyos, ag kamo nga anang katawhan, dahil ginpinahan nana ruyon nga syudad ag duyon ro baeos sa anang mga maeain nga gin-obra kinyo.

Pahayag 6:10

Nagsilinggit sanda it mabaskog. Sinanda, “Eabing gamhanan nga Ginuong Dyos, balaan ag masaligan, hin-uno mo pa't-a hukman ro mga tawo sa kalibutan agod imong baslan ro mga nagpatay kamon?”

Pahayag 7:15

Mawron nga una eon sanda sa atubang it trono it Dyos ag nagaserbi sanda kana adlaw-gabii idto sa eangit nga anang pinakatemplo. Ag imaw nga nagapungko sa trono ro magaiba kanda permi ag ana sanda nga diparahon.