Lucas 18:43 - Inkeanon

⁴³ Nakakita eagi it uman ro tawo ag nagsinunod dayon imaw kay Jesus nga nagadinayaw sa Dyos. Ag ro tanan nga mga tawo nga nakakita ku natabo hay nagdayaw man sa Dyos.

Lucas 18:43 Iomraidhean Croise

Mateo 11:5

Sugiri imaw nga nakakita eon ro mga bulag, nakatikang eon ro mga eupog, nagmayad eon ro mga aruon, nakabati eon ro mga bungoe, nabanhaw ro mga patay, ag ginawali sa mga kubos ro Mayad nga Balita.

Mateo 21:14

Pagkatapos hay nag-adto kay Jesus idto sa *lagwirta it Templo ro mga bulag ag mga eupog ag ana sanda nga ginpangmayad.

Mateo 9:8

Pagkakita kato ku kaabo nga mga tawo hay hinadlukan sanda, ag gindayaw nanda ro Dyos tungod nagtao imaw it makaruyon nga otoridad ag gahom sa tawo.

Lucas 13:17

Nahuy-an gid ro tanan nga nagakuntra kay Jesus sa ana ngatong ginhambae. Pero ro kaabo ma't-a nga tawo, tanan sanda hay nalipay gid sa tanan nga makangawa-ngawang mga butang nga anang ginpanghimo.

Lucas 19:37

Tag nagapapanaog eon si Jesus sa Bukid it Olibo, paadto sa Jerusalem, tanan ro kaabo-abo ngato nga nagasueunod kana hay nagkinalipay ag nagdinayaw sa Dyos it kabaskog-baskog dahil sa mga milagro nga andang hakita.

Lucas 4:39

Nagpaeapit si Jesus sa may ginaeugban ku panugangan ni Simon ag ginpahalin sa eawas kara ro eagnat. Naduea ro anang eagnat ag nagbangon eagi imaw ag ginserbihan sanda.

Lucas 5:26

Hangawa gid it duro ro mga tawo ag gindayaw nanda ro Dyos sa andang grabi nga pagtaha kana. Hambae nanda, “Matsa indi mapatihan ro atong hakita ngara makaron!”

Lucas 9:43

Ag tanan nga mga tawo idto hay hangawa gid sa pwerti nga gahom it Dyos. Ag samtang nagakinaguea pa ro mga tawo sa tanan nga ginahimo ni Jesus, naghambae imaw sa anang mga sumueunod,

Mga Binuhatan 11:18

Owa kasabat ratong mga nagbusla kay Pedro pagkabati nanda kara. Gindayaw dayon nanda ro Dyos ag sinanda, “Gintaw-an ma't-a gali ku Dyos it kahigayunan ro mga bukon it Judio agod maghinuesoe ag magtalikod sa andang mga saea agod makabaton it kabuhi nga owa it katapusan.”

Mga Binuhatan 26:18

Paadtunon ko ikaw kanda agod mabuksan ro andang mata sa kamatuuran parti kakon, ag agod magtalikod sanda sa kadueom it saea ag magsaylo sa kahayag it Dyos. Ag agod man magtalikod sanda sa pagsakop ni Satanas ag magpasakop eon sanda sa Dyos. Kon himuon nanda ro mga ruyon ngaron hay patawaron sanda sa andang mga saea, ag matapoe dayon sanda sa mga katawhan it Dyos nga anang ginpaeain dahil sa andang pagtuo kakon.’

Mga Binuhatan 4:21

Ginpaeag pa gid sanda ku mga myembro it *Sanedrin bago ginbuhian. Gusto kunta nandang pinahan sanday Pedro ugaling hay owa sanda kasayod kon paalin ay nagadayaw ro mga tawo sa Dyos dahil sa milagrosong pamatuod nga andang hakita nga ginpamayad ro sangka tawo nga sobra eon nga 40 anyos nga eupog.

Mga TagaGalacia 1:24

Gindayaw gid nanda ro Dyos tungod ana ako nga ginbag-o.

1 Pedro 2:9

Pero kamo't-a hay natapoe sa katawhan it Dyos nga anang pinili ag ana nga ginabilang nga bag-o nga rasa. Mga harianon man kamo nga mga saserdote. Ginpaeain kamo nana agod mangin anang balaan nga rasa. Gintawag nana kamo nga talikdan ro kadueom it saea ag magpangabuhi sa anang makangawa-ngawa nga kahayag. Ag ro anang tuyo hay agod nga isugid ninyo permi sa iba ro anang grabi it nami nga mga ginhimo para kinyo.