Lucas 18:23 - Inkeanon

²³ Pagkabati kara ku tawo hay nasubo gid imaw it duro ay pwerti abi imaw ka manggaranon.

Lucas 18:23 Iomraidhean Croise

Mateo 19:22

Pagkabati ku miron sa ginhambae ni Jesus hay tumalikod imaw nga nagakasubo ay kaabo-abo ro anang pagkabutang.

Marcos 10:22

Haduhungan ro tawo pagkabati nana ku ginhambae ni Jesus. Tumalikod dayon imaw nga nagakasubo ay kaabo-abo ro anang pagkabutang.

Lucas 12:15

Naghambae dayon si Jesus sa mga tawo, “Mag-andam gid kamo nga indi kamo maghinangoe sa bisan ano nga butang dahil ro kabuhi hay owa eang nasandig sa kaabo it manggad.”

Lucas 18:22

Pagkabati kara ni Jesus, ginhambae nana ro manogdumaea, “Sambilog pa gid ro dapat nimong obrahon. Baligyaan tanan ro imong pagkabutang ag ipanueupod sa mga pobre ro kabakeanan, ag may imo dayon nga manggad idto sa eangit. Pagkatapos hay bumalik ka agod mangin sumueunod nakon.”

Lucas 18:24

Pagkakita ni Jesus ku anang grabi nga kasubo hay naghambae imaw, “Malisod gid-a sa mga manggaranon nga magpasakop sa paghari it Dyos sa andang tagipusuon.

Lucas 19:8

Kat idto eon sanda sa baeay ni Zakeus, nagtindog imaw ag naghambae sa Ginuo, “Umpisa makaron, Ginuo, ipanao ko sa mga pobre ro katunga ku akon nga manggad. Ag sa akong mga ginluko hay iuli ko kanda ro akong habuoe it ap-at nga pilo.”

Lucas 21:34

“Ngani mag-andam gid kamo sa sobra-sobrang pagkinalipay ag pagpinahilong, ag pagpinalitik it ueo parti sa tanan nga kinahangeanon sa pagpangabuhi, ay magapugong ron kinyo sa pagpahaom sa akong pagbalik, ag basi hiabut-abutan kamo ku adlaw ngaron nga gulping maabot pareho ku pagpisik it kisiw.

Lucas 8:14

Ro natabo ma't-a sa binhi nga tumugpa sa kasiitan hay kahalimbawa ku mga nagpamati sa mensahi it Dyos pero ro mensahi ngato hay matsa linuok it mga problema sa pangabuhi, handom nga magmanggad ag kaila it kalingawan. Imaw ron ngani nga owa makapamunga ro mensahi ngato sa andang kabuhi.

Mga TagaEfeso 5:5

Sayod gid ninyo nga ro mga nagahulid sa bukon nanda it asawa ag ro mga nagahimo it mahigko sa mata it Dyos hay indi makabaton it panublion nga itao ni Kristo ag ku Dyos sa andang mga katawhan. Ro mga hangoe hay indi man makabaton ay ro ginapakadiyos nanda hay ro manggad.

Mga TagaFilipos 3:8

Ag bukon eang it ro mga ruyon ro akong ginabilang makaron nga kaperdihan kundi ro tanan-tanan eo't-a, ay ro akong maeueot nga pagkakilaea kay Kristo Jesus nga akong Ginuo hay eabaw pa gid sa bisan ano. Dahil kana, gintalikdan ko ron tanan ag ginabilang ko nga makasuka-suka nga basura, agod mas mageueot pa gid ro akong kaangtanan kay Kristo,

Mga TagaColosas 3:5

Ngani dueaa eon ro mga maeain nga buhat nga bunga ku inyong pagkamakasasaea pareho it paghulid sa bukon it inyong asawa, paghimo it malaswa, kaueag, mga maeain nga handom, pagkahangoe nga imaw ro pagpasueabi sa manggad kaysa sa Dyos.

1 Juan 2:15

Ngani ayaw ninyo pagpahaegahi ro kaeainan iya sa kalibutan, ukon ro mga butang iya sa kalibutan. Ro nagapahaega sa kaeainan iya sa kalibutan hay owa nagahigugma sa Dyos Ama.