Lucas 18:22 - Inkeanon

²² Pagkabati kara ni Jesus, ginhambae nana ro manogdumaea, “Sambilog pa gid ro dapat nimong obrahon. Baligyaan tanan ro imong pagkabutang ag ipanueupod sa mga pobre ro kabakeanan, ag may imo dayon nga manggad idto sa eangit. Pagkatapos hay bumalik ka agod mangin sumueunod nakon.”

Lucas 18:22 Iomraidhean Croise

Mateo 19:21

Nagsabat si Jesus, “Kon gusto nimo nga owa gid it kueang ro imong pagtuman sa Dyos, umuli ka ag ibaligya tanan ro imong pagkabutang ag ipanueupod sa mga pobre ro kabakeanan ag may imo dayon nga manggad sa eangit. Pagkatapos hay bumalik ka agod mangin sumueunod nakon.”

Lucas 10:42

Pero sangka butang gid lang ro importanti ag ruyon ro ginpili ni Maria ag indi ko ron igdimot kana.”

Lucas 12:33

Ngani baligyaan ro inyong pagkabutang ag itao sa mga pobre ro kabakeanan. Kon makaruyon ro inyong obrahon hay parehas man ron nga nagatinipon kamo it manggad sa eangit nga nakabutang sa sueudlan nga owa it pagkasamad. Ngani owa ron it pagkaduea ag owa it pagkaubos. Indi man ron hitakaw ag indi hisamad it sapat-sapat.

Lucas 16:9

Ro manggad iya sa kalibutan hay indi masaligan ag indi man magdurar. Pero ginahambae ko kinyo nga gamita ninyo ron sa pagpangamigo agod kon magtaliwan eon kamo sa kalibutan ag owa eon gakinahangean ku mga ruyon ngaron hay pagasueang-sueangon kamo ku mga amigo ninyo ngato sa lugar kon siin magaililiba kamo hasta sa owa it katapusan.

Lucas 18:21

Nagsabat ro manogdumaea, “Ginatuman ko eon ron tanan halin ku bata pa ako hasta makaron.”

Lucas 18:23

Pagkabati kara ku tawo hay nasubo gid imaw it duro ay pwerti abi imaw ka manggaranon.

Lucas 9:23

Tapos, naghambae si Jesus sa tanan nga nagapaeamati kana, “Kon sin-o ro naila nga mangin sumueunod nakon hay dapat nga talikdan nana ro anang kaugalingon nga mga handom ag gusto, ag dapat nga haom imaw nga mag-antos bisan pa mag-atubang imaw it paghingabot ag kamatayon por dahil sa anang pagsunod kakon.

Mga TagaFilipos 3:13

Mga igmanghod, kon kakon hay owa ko pa gid hatuman tanan ro tuyo nana ngaron para kakon, pero ro akon nga ginahimo hay owa ko eon ginainisipa ro mga bagay nga akon anay nga ginapahaegahan kato ag ginatinguhaan ko gid nga tumanon ro anang pagbuot kakon sa paeaabuton.

2 Pedro 3:8

Pero ayaw ninyo pagkalipati, mga hinigugma, nga kon sa Ginuo, ro sang adlaw hay matsa 1,000 nga dag-on, ag ro 1,000 nga dag-on hay matsa sang adlaw eang kana.