Lucas 18:16 - Inkeanon

¹⁶ Pero ginpapaeapit sanda ni Jesus kana ag naghambae imaw sa anang mga sumueunod, “Pabay-i nga magpaeapit kakon ro mga unga. Ayaw ninyo sanda pagbawaei tungod ro mga pareho kanda ro ginatapoe sa mga sinakpan it Dyos.

Lucas 18:16 Iomraidhean Croise

Mateo 19:14

Pero ginhambaean ni Jesus ro anang mga sumueunod, “Pabay-i nga magpaeapit kakon ro mga unga. Ayaw ninyo sanda pagbawaei tungod ro mga pareho kanda ro ginatapoe sa mga sinakpan it Dyos.”

Lucas 18:15

Isaeang adlaw, may mga tawo nga nagdaea ku andang mga maintok nga mga unga pati ku andang mga eapsag agod hibuytan ag hibendisyunan sanda ni Jesus. Ugaling pagkakita kara ku anang mga sumueunod hay andang ginpangisgan ratong mga tawo.

Lucas 18:17

Matuod rang ginahambae kinyo nga ro bisan sin-o nga owa nagabaton ku paghari it Dyos sa anang kabuhi pareho sa malipayon nga pagbaton ku mga unga hay indi matapoe sa mga sinakpan it Dyos.”

Mga Binuhatan 2:39

Ginpromisa ra nana kinyo ag sa inyong mga inapo, ag sa tanan nga idto sa maeayo nga nahamueag pa kana, ag sa bisan sin-o nga pagatawgon pa it Ginuo nga atong Dyos nga magpasakop kana.”

1 Corinto 14:20

Mga igmanghod, parti sa abilidad ngara sa paghambae sa ibang mga linggwahe, ayaw abi kamo mahama-hama karon nga matsa mga unga nga owa it buot kon magpili. Kon parti ma't-a sa pag-obra it maeain hay dapat nga mangin inosente kamo pareho it mga eapsag, pero kon parti sa abilidad sa paghambae sa ibang mga linggwahe, ro inyo dapat nga paino-ino hay pareho it tawo nga hamtong eon.

1 Corinto 7:14

Ginahambae ko ra dahil ro asawa nga bukon it tumueuo hay ginpaeain para sa Dyos dahil sa anang kaangtanan sa anang asawa nga tumueuo. Kon bukon it matuod ron hay pagabilangon nga mahigko ro inyong mga unga sa panueok it Dyos. Pero bukon 't-a it makaruyon. Sanda man hay ginpaeain para sa Dyos dahil sa ginikanan nga tumueuo.

1 Pedro 2:2

Ro mga bag-ong tawo nga eapsag hay permi eang nagutom it gatas ku andang ina. Makaruyon man dapat kamo. Kagutumi ninyo permi ro hambae it Dyos nga pareho it gatas para sa inyong pagtuo. Ro hambae it Dyos hay owa it halo nga pinuril, ag paagi sa hambae ngaron hay gatubo ro inyong pagtuo hasta ron mangin hamtong.