Lucas 18:14 - Inkeanon

¹⁴ Hambae ni Jesus, “Ginahambae ko kinyo nga pag-uli ku manogsukot hay imaw 't-a ro matarong eon sa mata it Dyos ag bukon it ratong Pariseo. Ro tanan nga matinaas-taason hay pagasumpuon it Dyos ag ro mga mapainubuson hay pagapadunggan it Dyos.”

Lucas 18:14 Iomraidhean Croise

Mateo 23:12

Ro tanan nga matinaas-taason hay pagasumpuon it Dyos ag ro mga mapainubuson hay pagapadunggan it Dyos.”

Mateo 5:3

“Bulahan ro mga nagaako nga owa sanda it mahimo kon owa ro Dyos, ay sanda ro itapoe sa anang mga sinakpan.

Lucas 1:52

Ro mga matinaas-taason nga mga pinuno hay ana nga ginbawian it gahom pero ro mga mapainubuson hay anang ginpadunggan.

Lucas 10:29

Pero gusto ku maestro it Kasuguan nga paguwaon nga tama nga pilion eang nana ro anang higugmaon ngani nagpangutana imaw kay Jesus, “Hay sin-o man abi ro akon nga isigkatawo nga dapat kong higugmaon?”

Lucas 14:11

Dapat kamo nga mangin mapainubuson dahil ro tanan nga matinaas-taason hay pagasumpuon it Dyos ag ro mga mapainubuson hay pagapadunggan it Dyos.”

Lucas 16:15

Pero ginhambae sanda ni Jesus, “Kamo't-a ro akong ginapatungdan sa akon ngatong istorya nga nagapapati sa mga tawo nga tama gid kamo pero sayod it Dyos ro inyong kabubut-on. Ro mga ginadayaw abi it tawo hay imaw man ron ro ginakangil-aran it Dyos.”

Mga TagaRoma 3:20

Matuod ra ay owa gid it bilangon nga matarong sa panueok it Dyos paagi sa anang pagtuman sa mga kasuguan it Dyos dahil kon ginatinguhaan naton nga tumanon ro mga ruyon hay maklaro gid katon nga makasasaea gid kita.

Mga TagaRoma 4:5

Pero kon parti sa kaeuwasan ma't-a, indi maeuwas ro tawo dahil sa andang buhat kundi sa andang pagtuo sa Dyos nga nagabilang nga matarong sa anang panueok sa mga owa anay it kahadlok kana. Ro andang pagtuo ngaron ro dahilan nga ginabilang sanda nga matarong, bukon it sa andang buhat.

Mga TagaRoma 5:1

Ngani dahil kita hay ginbilang eon nga matarong it Dyos paagi sa atong pagtuo, may aton eon nga paghidait sa Dyos dahil sa ginhimo ku atong Ginuo nga si Jesu-Kristo.

Mga TagaRoma 8:33

Sin-o ro makaakusar katon nga mga pinili it Dyos agod sintinsyahan kita nga pinahan hasta sa owa it katapusan? Ro Dyos baea? Bukon, tungod imaw ngani ro nagbilang katon nga matarong sa anang panueok. Si Kristo Jesus baea? Bukon, tungod imaw pa ngani ro namatay ag nabanhaw pa gid para katon ag idto imaw makaron sa tuo it Dyos nga nagadepensa katon.

Mga TagaGalacia 2:16

Pero makaron hay sayod eon naton nga indi kita mangin matarong sa mata it Dyos paagi sa pagtuman sa atong Kasuguan kundi paagi sa atong pagtuo kay Jesu-Kristo. Ngani nagtuo kita kay Kristo Jesus agod mangin matarong sa mata it Dyos sa atong pagtuo kay Kristo, bukon it paagi sa pagtuman sa atong Kasuguan. Owa gid it bisan sin-o nga mangin matarong dahil sa anang pagtuman sa Kasuguan.”

Santiago 4:10

Magpaubos kamo sa Ginuo ag ana kamo nga padunggan.

Santiago 4:6

Pero mas mabahoe ro bulig nga ginatao it Dyos katon agod maperdi ron. Sayod naton ron ay nagahambae man ro Kasueatan nga “Ro mga matinaas-taason hay ginakuntra it Dyos pero ro mga mapainubuson hay anang ginapakamaayo.”