Lucas 18:13 - Inkeanon

¹³ “Pero ro *manogsukot it buhis ma't-a nga nagatindog idto sa maeayo-eayo hay indi ngani makatangda sa eangit sa kahuya ag ginabinayo ro anang dughan, tanda ku anang paghinuesoe. Hambae nana, ‘Makasasaea ako, Dyos ko. Kaeuuyi man ako!’ ”

Lucas 18:13 Iomraidhean Croise

Mateo 10:3

si Felipe, si Bartolome, si Tomas, si Mateo nga *manogsukot it buhis, si Santiago nga unga ni Alfeus, ag si Tadeus,

Mateo 6:5

Naghambae pa gid si Jesus, “Kon magpangamuyo kamo, ayaw kamo magtuead sa mga ipokrito. Naila ron sanda magtindog ag magpangamuyo sa sinagoga ag sa mga kanto nga abo kanda ro makakita. Matuod rang ginahambae kinyo nga ro pagdayaw it tawo kanda hay duyon eang ro andang premyo nga mabaton.

Mateo 9:13

Owa ako nag-adto riya agod pahinuesueon ro mga nagaeaom nga matarong eon sanda, kundi rondato nga haom mag-ako nga sanda hay mga makasasaea. Ngani estudyuhi ninyo it mayad kon ano ro tama nga kahueugan ku ginhambae it Dyos nga, ‘Mas mahaega kakon ro inyong pagkaeuoy sa inyong isigkatawo kaysa sa inyong paghaead it sapat agod tumanon eang ro Kasuguan.’ ”

Marcos 11:25

Pero kon magpangamuyo kamo, kon may eain kamo it buot sa inyong isigkatawo, patawara sanda agod patawaron man kamo ku inyong Ama sa eangit sa inyong mga saea.”

Lucas 17:12

Tag nagapasueod eon imaw sa sangka baryo, may napueong ka aruon idto nga nagsueang-sueang kana pero pumundo sanda tag maeayo-eayo pa sanda kay Jesus

Lucas 22:41

Nagpaeayo-eayo dayon imaw kanda ag nageuhod ag nagpangamuyo.

Lucas 23:48

Ro kaabo nga mga tawo nga idto nagtililipon agod magsaksi ku mga nagkaeatabo hay nag-ueuli eon nga nagabayo ku andang dughan tanda ku andang kasubo.

Lucas 5:8

Pagkakita ni Simon Pedro kara hay nageuhod imaw sa atubang ni Jesus ag naghambae, “Paeayo kakon, Ginuo. Makasasaea ako.”

Mga Binuhatan 2:37

Pagkabati nanda kara hay nakonsensya gid sanda. Nagpangutana dayon sanda kay Pedro ag sa iba pang mga apostoles, “Mga igmanghod, ano ro among himuon?”

Mga TagaRoma 5:8

Pero ginpakita it Dyos ro kabahoe ku anang gugma katon nga tag mga makasasaea pa kita hay namatay si Kristo por dahil katon.

2 Corinto 7:11

Paino-inoha ninyo ro kamaeayran nga resulta it inyong kasubo ngato nga suno sa kabubut-on it Dyos. Isaea sa kamaeayran kato hay owa kamo nagpundo hasta owa naayos ro saea inha kinyo nga ginsueat ko ngato, agod ipakita nga owa eon ninyo ginakunsinti ro saea ngato. Naakig kamo it duro dahil sa saea nga gin-obra it tawo ngato. Nahadlok kamo nga pinahan it Dyos ay ginsugtan ninyo rato nga matabo. Gusto gid ninyo nga magbalik ro atong mayad nga relasyon. Nangin pursigido kamo nga pinahan ro nagkasaea ngato. Ginpakita ninyo nga inyo gid nga gin-ayos ro tanan nga dapat nga ayuson ag owa eon it ikasaway kinyo.

1 Timoteo 1:15

Masaligan ro haeambaeunon ngara, ag bagay gid nga patihan: Si Kristo Jesus hay nag-adto riya sa kalibutan agod euwason ro mga makasasaea. Ag ako gid ro pinakamaeaot kanda tanan.

Mga Hebreo 4:16

Ngani dahil ginarepresentar kita ni Jesus sa Dyos nga mabuot nga mayad, magdangop kita sa Dyos nga may kaisog it buot agod kaeuy-an ag buligan nana kita sa oras it aton nga pagkinahangean.

Mga Hebreo 8:12

Kaeuuyan ko sanda ag indi ko eon pagdumdumon ro andang mga maeain nga ginhimo.”