Lucas 18:12 - Inkeanon

¹² Nagapuasa ako it daywang beses sa sang dominggo ag gatao ako it ikanapueong parti ku tanan nakong kinitaan.’

Lucas 18:12 Iomraidhean Croise

Mateo 5:20

Ginahambae ko eagi kinyo nga indi kamo hitapoe sa mga sinakpan it Dyos kon ro inyong pagkamatarong hay indi kaeabaw sa pagkamatarong ku mga Pariseo ag ku mga maestro it Kasuguan.”

Mateo 6:1

Nagpadayon pa gid si Jesus it pagturo. Hambae nana, “Mag-andam gid kamo nga indi kamo magpakita-kita ku inyong pagkamatarong sa mga tawo agod dayawon nanda kamo. Kon makaruyon ro inyong ginaobra hay sigurado gid nga owa kamo it premyo nga mabaton halin sa inyong Ama sa eangit.

Mateo 6:16

Naghambae pa gid si Jesus, “Kon magpuasa kamo, ayaw kamo magtuead sa mga ipokrito. Owa sanda gapang-ayos-ayos ku andang kaugalingon agod masayran gid it mga tawo nga nagapuasa sanda. Matuod rang ginahambae kinyo nga ro pagdayaw it tawo kanda hay duyon eang ro andang premyo nga mabaton.

Mateo 6:5

Naghambae pa gid si Jesus, “Kon magpangamuyo kamo, ayaw kamo magtuead sa mga ipokrito. Naila ron sanda magtindog ag magpangamuyo sa sinagoga ag sa mga kanto nga abo kanda ro makakita. Matuod rang ginahambae kinyo nga ro pagdayaw it tawo kanda hay duyon eang ro andang premyo nga mabaton.

Mateo 9:14

Ku ulihi, nag-adto kay Jesus ro mga sumueunod ni Juan nga Manogbawtismo ag nagpangutana, “Permi kaming gapuasa ag pati man ro mga Pariseo. Hay ham-an it owa't-a gapuasa ro imo nga mga sumueunod?”

Lucas 11:42

“Makaeueuoy kamo nga mga Pariseo ay makangingidlis gid ro matabo kinyo sa ulihi! Nagatao gid kamo sa Dyos it ikanapueong parti bisan ku inyong tanom nga mga panakot pero owa gid kamo gahimo it matarong sa inyong isigkatawo ag owa man ninyo ginahigugmaa ro Dyos. Dapat hay ginaobra ninyo ron ag padayon man gihapon kamo nga nagatao sa Dyos ku inyong mga ikanapueo nga parti.

Lucas 17:10

Makaruyon man kamo. Kon gintuman ninyo ro tanan nga ginsugo kinyo it Dyos, ayaw kamo mag-isip nga dapat kamo nana nga dayawon kundi butangan sa inyong isip nga, ‘Mga ulipon man lang kami it Dyos. Gin-obra man lang namon ro among obligasyon.’ ”

Mga TagaRoma 3:27

Hay makapabugae baea kita nga may atong nahimo agod bilangon kita it Dyos nga matarong sa anang panueok? Indi gid-a ron! Ham-an? Dahil bukon it ro atong pagtuman sa mga kasuguan ro rason nga ginabilang kita nga matarong kundi ro atong pagtuo't-a kay Jesus.

1 Corinto 1:29

Ginhimo nana ron agod owa gid it bisan sin-o nga makapabugae kana.

Mga TagaGalacia 1:14

Owa man it makatupong kakon sa akong mga katubo-tubo sa pagsunod sa mga sueundanon ku among relihiyon, ag ginapahaegahan ko gid ro mga kaugalian ku among mga kalolo-lolohan.

Mga TagaEfeso 2:9

Ngani owa gid it ikapabugae ro bisan sin-o, nga mahambae abi nga dahil mayad ro anang binuhatan hay gineuwas imaw it Dyos.

1 Timoteo 4:8

Ro kamaeayran nga mabuoe ku pag-ihersisyo sa eawas hay sangkiri eang, ay ro eawas eang karon ro makapueos. Pero owa it kutod ro kamaeayran ku kabuhi nga matinumanon sa Dyos, dahil aton nga hisamitan ro bag-o nga kabuhi nga ginpromisa it Dyos bukon eang it makaron kundi hasta sa pihak nga kinabuhi.