Lucas 18:1 - Inkeanon

¹ Pagkatapos, may ginsugid si Jesus nga sangka paanggid nga istorya agod tud-an ro anang mga sumueunod nga dapat sandang magpangamuyo permi ag indi pageuyahan it buot.

Lucas 18:1 Iomraidhean Croise

Lucas 11:10

Dahil ro tanan nga nagapangayo hay makabaton, ro tanan nga nagausoy hay makakita ag ro tanan nga nagapanagbalay hay pagabuksan.

Lucas 21:36

Magbantay gid kamo ag magpangamuyo permi nga may inyo nga kusog agod maeampuwasan ro tanan ngara nga matabo, ag makaatubang kamo kakon nga Unga it Tawo nga owa it pagkatahap kon maghukom eon ako.”

Mga TagaRoma 12:12

Magkalipay kamo ay sigurado kamo ku kanami nga kahimtangan nga inyong ginapaabot sa ulihi. Tiisa ninyo ro mga kalisod ag indi magkataka sa pagpangamuyo bisan ano ro magkaeanabo.

2 Corinto 4:1

Dahil sa sobrang kabuot kamon it Dyos hay gintugyanan nana kami ku dayang pagserbi kana paagi sa pagwali ku Mayad nga Balita, ngani owa kami ginapangeuyahi it buot.

Mga TagaGalacia 6:9

Indi kita madis-ayri ag magpundo sa paghimo it mayad tungod nga pag-abot it tama nga oras hay magaani man kita it mayad, kon indi kita pageuyahan it buot.

Mga TagaEfeso 6:18

Sa inyong pagpakig-away kay Satanas, permi kamong magpangamuyo ag mag-ampo sa bulig it Espirito Santo bisan sa anong kahimtangan. Magbantay kamo permi ag indi magkataka sa pagpangamuyo ag pag-ampo para sa tanan nga katawhan it Dyos.

Mga TagaFilipos 4:6

Maskin ano ro matabo, indi gid kamo magpinalitik ku inyong ueo kundi sa kada kahimtangan, magpangamuyo kamo ag magpangayo sa Dyos ku inyong mga kinahangean, ag permi man kamong magpasaeamat kana.

Mga TagaColosas 4:12

Ginakumusta man kamo ni Epafras nga inyong kasimanwa. Nagaserbi man ron imaw kay Kristo Jesus ag grabi gid ro anang pagpinangamuyo para kinyo, agod maglig-on kamo ag owa it ikasaway sa inyong pagtuo ag sigurado gid ku tanan nga gusto it Dyos nga ipaobra kinyo.

Mga TagaColosas 4:2

Padayuna pa gid ro inyong pagpangamuyo maskin ano ro magkaeanabo. Sa inyo nga pagpangamuyo hay dapat nga mapinasaeamaton kamo ag alisto nga indi magwarang ro inyong paino-ino.

1 Tesalonica 5:17

Magpangamuyo kamo permi.