Lucas 17:6 - Inkeanon

⁶ Nagsabat ro Ginuo, “Kon may inyo nga pagtuo nga bisan mat busoe eang it mustasa it bahoe, ag halimbawa nga ginsugo ninyo ro mabahoe ngara nga kahoy nga gabuton nana ro anang kaugalingon ag itanom sa eawod hay tumanon 't-a kamo karon.”

Lucas 17:6 Iomraidhean Croise

Mateo 14:29

“Sige, maliya,” sabat ni Jesus. Nanaog matuod si Pedro sa baroto ag nagtikang sa ibabaw it tubi paadto kay Jesus.

Mateo 17:20

Nagsabat si Jesus, “Tungod kueang pa ro inyong pagtuo kakon. Pero matuod rang ginahambae kinyo nga kon may inyo nga pagtuo nga bisan mat busoe eang it mustasa it bahoe hay puydi ninyo nga suguon rayang bukid nga ‘Adto rikato’ ag maadto ron idto. Mahimo ninyo ro tanan.

Mateo 21:21

Nagsabat si Jesus, “Matuod rang ginahambae kinyo nga kon nagasalig kamo sa Dyos ag owa kamo nagaduda, mahimo man ninyo ro akon nga gin-obra sa kahoy ngara. Ag bukon eang it duyon kundi masugo man ninyo rayang bukid nga maghalin ag magsaylo sa dagat ag mahimo gid ron.

Marcos 4:31

Matsa busoe ra it mustasa. Ro busoe it mustasa ro pinakamaisot sa tanan nga mga busoe.

Marcos 9:23

Nagsabat si Jesus, “Ham-an it gapangutana ka kon mahimo nakon? Owa gid it imposible kon nagatuo ka.”

Lucas 13:19

Pareho ra it busoe it mustasa nga gintanom it sangka tawo sa anang taeamnan. Pagkatapos hay nagtubo ra hasta nangin pareho it bahoe it kahoy ag puydi eon nga mapugaran it mga pispis ro anang mga sanga.”

Lucas 17:7

Naghambae pa gid si Jesus, “Halimbawa abi nga may imong ulipon. Gaarado imaw o gabantay it karnero. Pagkauli nana halin sa anang obra, ginahambae baea nimo imaw nga magkaon eagi ag ikaw nga anang amo hay owa pa ngani kakaon?

Lucas 19:4

Ngani dumaeagan imaw ag umuna sa mga tawo. Sumaka dayon imaw sa kahoy nga sikomoro kon tawgon agod maeumo nana hikita si Jesus nga madali lang dikato mag-agi.

Lucas 7:13

Pagkakita it Ginuo sa ina ku namatay hay naeuoy gid imaw it duro ag ginhambae nana ro bayi, “Ayaw eon it tangis.”

Lucas 7:19

ag ginpaadto nana sa Ginuo agod mangutana kon imaw eon ro andang ginapaabot nga ginpromisa it Dyos ukon mahueat pa sanda it iba.

1 Corinto 13:2

Ag bisan siguro gintaw-an ako it abilidad nga magsugid ku mga ginapahayag kakon it Dyos nga gusto nanang ipaabot sa kadagayaan, ag bisan siguro sayod ko ro tanan nga mga kamatuuran nga owa ginpasayod it Dyos sa iba ag ro tanan nga puyding masayran it tawo parti sa Dyos, pero owa man lang ako it gugma sa iba hay owa man gihapon ako it pueos. Ag bisan siguro may akon nga malig-on nga pagtuo nga masugo ko ro bukid nga magsaylo sa ibang lugar, owa man gihapon ako it pueos kon owa ako it gugma sa iba.