Lucas 17:4 - Inkeanon

⁴ Bisan magkasaea pa imaw kimo it pitong beses sa sang adlaw ag magbinalik ag magpinangayo imaw it patawad sa kada pagkasaea nana kimo hay dapat nimo imaw nga patawaron.”

Lucas 17:4 Iomraidhean Croise

Mateo 18:16

Pero kon indi imaw mag-ako sa anang saea, adtuni imaw it uman ag magdaea ka it sambilog o daywang ka mga tumueuo agod may saksi nga gapamatuod kon ano ro inyong gin-istoryahan.

Mateo 18:35

Naghambae dayon si Jesus, “Makaruyon man ro obrahon ku akon nga Ama sa eangit kon ro kada isaea kinyo hay indi magpatawad it hantop sa inyong tagipusuon sa inyong igmanghod sa pagtuo nga gakasaea kinyo.”

Mateo 5:44

Pero ro akon 't-a nga ginahambae kinyo hay higugmaa ro inyong kaaway ag pangamuyui ro mga nagahingabot kinyo.

Mateo 6:12

Patawara kami sa among mga saea dahil gintuman namon ro sugo nga dapat kami magpatawad sa tanan nga nagakasaea kamon.

Lucas 17:5

Pagkabati ku mga apostoles sa ginhambae ngato ni Jesus, naghambae sanda kana, “Dugangi pa gid ro among pagtuo.”

Mga TagaRoma 12:20

Ngani, aton nga sundon ro nasueat man sa Kasueatan nga, “Kon ginagutom ro inyong kaaway, pakan-a imaw. Kon ginauhaw, paimna. Kon himuon ninyo ron hay mahuya imaw sa ana ngatong maeain nga ginhimo kinyo, ag magnuoe it duro.”