Lucas 17:30 - Inkeanon

³⁰ Makaruyon man nga bukon it haom ro mga tawo kon magbalik ag magpakita eon ako nga Unga it Tawo.

Lucas 17:30 Iomraidhean Croise

Mateo 16:27

Maabot gid ro oras nga ako nga Unga it Tawo hay magabalik iya sa kalibutan nga may grabi nga kasilaw ku akon nga Ama, ag kaibahan ku anang mga anghel. Tapos hay akon dayon nga baeusan ro kada isaea suno sa anang hinimuan.

Mateo 24:3

Ku ulihi, tag nagapungko si Jesus sa Bukid it Olibo, ginpaeapitan imaw ku anang mga sumueunod nga sanda-sanda eang. Anda dayon imaw nga ginpangutana, “Sugiri abi kami kon hin-uno matabo ro imo ngatong ginhambae, ag kon ano ro paeatandaan ku imong pagbalik ag ku katapusan it kalibutan.”

Mateo 24:37

Ro ginaobra ku mga tawo sa tyempo nga magbalik ako nga Unga it Tawo hay pareho man sa ginaobra ku mga tawo sa tyempo anay ni Noe.

Mateo 24:39

Ag owa gihapon sanda nakaeubot ku magakaeanabo hasta nagbaha eon ro kalibutan ag nagkaeaeumos sanda tanan. Ro pagbalik nakon nga Unga it Tawo hay pareho man sa pag-abot ku baha ngato.

Mateo 26:64

Nagsabat si Jesus, “Ako gid ma't-a. Pero ginahambae ko kinyo nga sa ulihi hay hikita ninyo ako nga Unga it Tawo nga nagapungko sa pinakadungganon nga pwesto sa tuo it Makagagahom nga Dyos. Ag hikita man ninyo ako sa daeaura sa akong pagbalik sa kalibutan.”

Marcos 13:26

Tapos hay makita ninyo ako nga Unga it Tawo sa daeaura nga nagaabot iya sa kalibutan ag makita man ninyo ro akong indi matupungan nga gahom ag pwerting pagkadaeayawon.

Lucas 17:24

tungod ro pagbalik nakon nga Unga it Tawo hay pareho it kilat nga gaguhit ro hayag sa bilog nga kaeangitan ag makita it tanan nga tawo.

Lucas 17:29

Pero sa adlaw nga naghalin sanday Lot sa Sodoma hay ginpaueanan it Dyos it kaeayo ag nagadaba-daba nga asupre ro ratong lugar ag nagkaeamatay ag nagkaeasamad ro tanan idto.

Lucas 21:22

Ginapauna ko kinyo ra it hambae dahil rato ro oras nga matuman eon ro tanan nga nasueat sa Sagrado nga Kasueatan parti sa pagpina it Dyos sa Jerusalem.

Lucas 21:27

Pagkatapos hay makita ninyo ako nga Unga it Tawo sa daeaura nga nagaabot iya sa kalibutan ag makita man ninyo ro akong gahom ag pwerting pagkadaeayawon.

1 Corinto 1:7

Mawron nga una kinyo ro tanan nga sari-saring abilidad nga ginatao it Espirito Santo samtang nagapaabot kamo ku oras nga ipahayag eon ro atong Ginuo nga si Jesu-Kristo sa anang pagbalik.

1 Corinto 1:8

Imaw ro nagapalig-on permi ku inyong pagtuo agod makaatubang kamo kana nga owa gid kinyo it ikasaway sa adlaw nga hukman eon nana ro katawhan.

Mga TagaColosas 3:4

Kon si Kristo nga ginhalinan ku inyong bag-o nga kabuhi hay magabalik eon, ipakita eon dayon ro anang gahom ag pagkadaeayawon ag kamo man hay makita nga nagaambit ku anang gahom ag pagkadaeayawon ngaron.

2 Tesalonica 1:7

ag papahuwayon nana kamo nga ginapakalisdan makaron, pati man kami. Matuman ra kon magbalik eon si Ginuong Jesus halin sa eangit, kaibahan ku anang mga gamhanan nga anghel.

1 Pedro 1:13

Ngani mangin haom kamo sa pag-atubang sa bisan ano nga maabot sa inyong kabuhi. Eawiga ro inyong paino-ino. Lig-una ro inyong pagsalig nga inyong mabaton ro mayad nga kahimtangan nga itao kinyo it Dyos sa adlaw it pagbalik ni Jesu-Kristo.

1 Pedro 1:7

Ro mga kalisod nga inyong ginaagyan hay testing agod masayran kon ro inyong pagtuo hay matuod o bukon. Bisan ro bueawan ngani nga maduea sa ulihi hay kinahangean nga paagyon sa kaeayo agod hisayran kon puro gid. Mas grabi ro haega ku inyong pagtuo kaysa sa bueawan ngani mas kapin pa gid nga dapat testingan ron. Ag sa adlaw nga ipahayag ni Jesu-Kristo ro tanan sa kabuhi it mga tawo, kon hipamatud-an nga matuod ro inyong pagtuo hay pagadayawon ag pagapadunggan kamo.

1 Pedro 4:13

Imbis nga makibot kamo kon ginahingabot kamo hay magkalipay kamo, ay may inyo nga kahigayunan nga mag-antos para kay Kristo pareho ku anang pag-antos para kinyo. Ag kon makaruyon hay magakalipay man kamo it duro kon magbalik eon imaw ag ipahayag ro anang kadungganan.

1 Juan 2:28

Ngani mga unga nakon sa pagtuo, dapat padayunon naton ro atong maeueot nga kaangtanan kay Kristo, agod may atong kaisog it buot, ag makaatubang kita kana nga owa nahuya sa anang pagbalik.

1 Juan 3:2

Mga pinalangga, mga unga eon kita it Dyos, pero owa pa makaron ginpahayag ro tanan kon mauno kita sa ulihi. Sayod kita nga kon magbalik si Kristo hay mangin pareho kita kana, ay hikita naton kon mauno gid imaw.

Pahayag 1:7

Magbantay kamo ay magabalik si Jesus nga nagasakay sa daeaura. Hikita imaw it tanan nga mga tawo bisan pa ku ratong mga nagpaeansang kana sa krus. Ro tanan nga rasa it tawo iya sa kalibutan hay magatangis dahil kana. Matabo gid-a ra. Amen.