Lucas 17:3 - Inkeanon

³ Ngani bantayi ro inyong hueag. “Kon magkasaea kimo ro imong igmanghod, hambaei imaw, ag kon magpangayo imaw it patawad hay patawara.

Lucas 17:3 Iomraidhean Croise

Mateo 18:21

Pagkatapos, nagpaeapit si Pedro kay Jesus ag nagpangutana, “Ginuo, kon magkasaea kakon ro akong igmanghod sa pagtuo, pilang beses ko imaw nga patawaron, pitong beses?”

Lucas 21:34

“Ngani mag-andam gid kamo sa sobra-sobrang pagkinalipay ag pagpinahilong, ag pagpinalitik it ueo parti sa tanan nga kinahangeanon sa pagpangabuhi, ay magapugong ron kinyo sa pagpahaom sa akong pagbalik, ag basi hiabut-abutan kamo ku adlaw ngaron nga gulping maabot pareho ku pagpisik it kisiw.

Mga TagaEfeso 5:15

Ngani magdahan gid kamo sa inyong pagpangabuhi. Magkabuhi kamo nga pareho it mga may kaaeam nga halin sa Dyos, bukon it pareho ku mga owa.

Mga Hebreo 12:15

Mag-andam kamo nga owa kinyo it magbalik sa dating ginatuuhan ag indi eon kasamit it sobrang kabuot it Dyos. Mag-andam man kamo nga owa inha kinyo it magpaeapta it saea nga turo nga makadaea sa dagaya kinyo sa pagpakasaea, dahil pareho ron it makahieilo nga tanom nga nagatapon sa ibang tanom sa palibot.

Santiago 5:19

Mga igmanghod, kon may sambilog kinyo nga magapaeayo sa matuod nga mensahi it Dyos, ag may sambilog kinyo nga magbulig nga makabalik imaw,

2 Juan 1:8

Ngani mag-andam gid kamo nga indi hipataeang ag mawad-an it pueos ro among kinabudlayan kinyo sa pagturo. Ayaw kamo magbueag sa matuod nga mensahi, agod mabaton ninyo ro husto nga premyo it Dyos.