Lucas 17:26 - Inkeanon

²⁶ “Ro ginaobra ku mga tawo sa tyempo nga magbalik ako nga Unga it Tawo hay pareho man sa ginaobra ku mga tawo sa tyempo anay ni Noe.

Lucas 17:26 Iomraidhean Croise

Lucas 17:22

Tapos ginhambae nana sa anang mga sumueunod, “Maabot ro tyempo nga inyong handumon nga makasamit bisan sang adlaw eang ku daeayawon nga paghari nakon nga Unga it Tawo, pero indi pa ron puydi.

Lucas 17:24

tungod ro pagbalik nakon nga Unga it Tawo hay pareho it kilat nga gaguhit ro hayag sa bilog nga kaeangitan ag makita it tanan nga tawo.

Lucas 17:27

Bangod kato, bago nagbaha hay owa sanda mag-inato ku maabot nga kaeaeat-an kundi sa adlaw-adlaw hay normal ma't-a gihapon ro andang pagpangabuhi nga nagakaon, nagainom, ag nagaaeasawa hasta sa oras nga nagsueod sanday Noe sa arka. Nagbaha dayon ag nagkaeaeumos sanda tanan.

Lucas 17:7

Naghambae pa gid si Jesus, “Halimbawa abi nga may imong ulipon. Gaarado imaw o gabantay it karnero. Pagkauli nana halin sa anang obra, ginahambae baea nimo imaw nga magkaon eagi ag ikaw nga anang amo hay owa pa ngani kakaon?

Lucas 18:8

Ginahambae ko kinyo nga sa tama nga oras hay ana eagi sanda nga taw-an it hustisya. Pero kon magbalik ako nga Unga it Tawo iya sa kalibutan, may hiabutan pa baea ako nga mga tawo nga makarayang klasi ro pagtuo nga nagapadayon sa pagpangamuyo?”

Mga Hebreo 11:7

Dahil sa pagtuo ni Noe, mawron nga nagpati imaw sa paandam it Dyos parti sa anang obrahon sa ulihi. Bisan owa pa imaw it hakita nga makato nga natabo hay nagtuo gid imaw nga matabo gid rato. Ag dahil sa anang pagtaha sa Dyos hay gintuman nana ro sugo it Dyos nga mag-obra it arka agod maeuwas ro anang panimaeay. Ro anang pagtuo ro nagpakita man nga bagay eang nga pinahan it Dyos it kamatayon ratong mga indi magtuman kana. Ag ginpremyuhan it Dyos si Noe it pagkamatarong sa anang panueok nga mabaton man ku bisan sin-o nga may pagtuo nga makaruyon.

2 Pedro 2:5

Owa man nana pagpataliwana ro kasae-anan ku mga tawo sa tyempo ni Noe kato anay. Gin-gunaw nana ro bilog nga kalibutan ay owa it kahadlok kana ro mga tawo. Pero gineuwas nana ro 8 ka tawo, kaibahan karon si Noe nga nagwinali sa mga tawo nga dapat sanda magpangabuhi it matarong.

2 Pedro 3:6

Ag paagi man sa tubi hay anang ginsamad ro kalibutan anay kato tag anang ginpagunaw.