Lucas 16:25 - Inkeanon

²⁵ Pero nagsabat si Abraham, ‘Toto, dumduma nga tag nagakabuhi ka pa sa kalibutan hay puro mga manami nga butang ro imong hasamitan. Si Lazarus ma't-a hay puro eang mga kalisod ro anang hasamitan, pero makaron hay nagakalipay imaw riya ag ikaw ma't-a hay nagaantos inha.

Lucas 16:25 Iomraidhean Croise

Mateo 27:63

Hambae nanda, “Sir, hadumduman namon nga naghambae ro manogpataeang ngato tag buhi pa imaw nga mabanhaw kuno imaw sa ikatlong adlaw.

Marcos 9:45

Ag kon ro imong siki ro nagatueod kimo nga magkasaea, utda ron. Mas mayad pa nga putoe ro imong sangka siki basta may imong kabuhi nga owa it katapusan idto sa eangit kaysa sa kompleto matuod ro imong siki pero mapaimpyerno ka man.

Lucas 16:20

Ag may sangka pobre nga si Lazarus ro anang ngaean. Lipos it gueos ro ana kara nga eawas. Idto imaw ginpaeubog sa may pwertahan it pader ku baeay it manggaranon ag

Lucas 16:23

Idto imaw sa impyerno tumugpa ag nagainantos it sobrang kasakit. Nagtan-aw imaw sa maeayo ag hakita nana si Abraham, ag si Lazarus nga idto sa anang euyo kara.

Lucas 16:26

Ag isaea pa hay indi inha makatabok si Lazarus ay may ginbutang sa tunga naton nga maeapad ag kadaeom-daeom nga pisong. Ngani owa it makatabok inha kimo, ag owa man it makatabok iya kamon.’

Lucas 6:24

“Makaeueuoy kamo nga mga manggaranon ay ro inyong ginaagyan nga matawhay ag bugana nga pagpangabuhi hay hasta eang iya sa kalibutan.

Juan 16:33

Ginasugid ko ra kinyo agod magtawhay ro inyong paino-ino dahil may inyong maeueot nga kaangtanan kakon. Magaagi kamo it mga kalisod iya sa ibabaw it kalibutan, pero ayaw kamo magpaeuya it buot, ay ako ro nagperdi ku kaeainan iya sa kalibutan.”

Mga Binuhatan 14:22

Sa mga lugar ngato hay anda nga ginpabaskog ro buot ku mga sumueunod ag gineaygayan nga magpadayon sa andang pagtuo bisan ano ro matabo. Hambae nanda, “Dapat nga magaagi kita it abo nga kalisod bago kita makaabot sa eangit bilang mga sinakpan it Dyos.”

Mga TagaRoma 8:7

Ro tawo nga nagapaino-ino permi sa pagpinagusto ku anang makasasaea nga kinaiya hay nagakuntra sa Dyos. Indi imaw magtuman ku Kasuguan it Dyos ay indi gid nana ron mahimo.

Mga TagaFilipos 3:19

Pagapinahan gid sanda sa ulihi sa impyerno hasta sa owa it katapusan tungod ginapakadiyos nanda ro mga maeain nga handom ku andang eawas. Ginapabugae-bugae nanda ro mga dapat ikahuya ag ro anda eang nga ginapaino-ino permi hay ro mga maeain nga butang iya sa kalibutan.

1 Tesalonica 3:3

para indi magtalikod ro bisan sambato kinyo sa inyong ginatuuhan dahil sa mga paghingabot nga inyong ginaagyan. Sayod man kamo nga kaibahan ron sa plano it Dyos katon.

Mga Hebreo 11:25

Ginpaeabi pa nana nga mag-antos, kaibahan ku anang mga kadugo nga mga katawhan it Dyos kaysa sa magpanami-nami sa pagkabuhi sa saea nga ro kalipay dikaron hay owa nagabuhay.

1 Juan 2:15

Ngani ayaw ninyo pagpahaegahi ro kaeainan iya sa kalibutan, ukon ro mga butang iya sa kalibutan. Ro nagapahaega sa kaeainan iya sa kalibutan hay owa nagahigugma sa Dyos Ama.

Pahayag 7:14

Nagsabat ako, “Tao ngani, Sir, owa ako kasayod. Ikaw 't-a ro nakasayod karon.” Nagsabat imaw, “Daya ro mga nakaagi it grabi nga kalisdanan pero nakalibre. Gineabhan ag ginpaputi nanda ro andang mga eambong sa dugo it Tiyo it Karnero.