Lucas 16:24 - Inkeanon

²⁴ Nagsinggit ro manggaranon, ‘Lolo Abraham, maeuoy ka man kakon! Paadtuna iya si Lazarus ag patum-uyan kana ro anang tudlo sa tubi ag ipatueo sa akong dila, agod maeamigan ay indi eon ako katakod ku kainit it kaeayo ngara!’

Lucas 16:24 Iomraidhean Croise

Mateo 25:41

“Tapos hay hambaeon ko tag mga ratong sa akong may waea, ‘Halin kamo iya, mga ginsumpa it Dyos! Idto kamo sa lugar kon siin ro kaeayo hay nagadabdab hasta sa owa it katapusan nga gintigana kay Satanas ag sa anang mga anghel.

Mateo 3:9

Ag ayaw kamo magsalig nga tungod mga inapo kamo ni Abraham hay makalibre kamo sa pina it Dyos. Ginahambae ko kinyo nga ro Dyos hay makahimo it inapo ni Abraham halin sa rayang mga bato iya.

Mateo 5:22

Pero ro akon 't-a nga ginahambae kinyo makaron hay kon sin-o ro naakig sa anang isigkapareho hay pagahusgaran ag pinahan. Ro nagahambae sa anang isigkatawo it ‘Kaumangon ka!’ hay manabat sa *Sanedrin. Ag ro gahambae sa anang isigkapareho nga ‘Gago ka!’ hay hiadto gid idto sa kaeayo sa impyerno.

Lucas 16:30

Nagsabat tag manggaranon, ‘Indi sanda karon magpati, Lolo Abraham. Pero kon may mabanhaw ag mag-adto idto kanda hay magahinuesoe ag magatalikod gid ron sanda sa andang mga saea.’

Lucas 19:9

Naghambae dayon si Jesus, “Makaron nga adlaw, gineuwas sa pina it saea rondayang panimaeay tungod ginpakita ni Zakeus nga isaea imaw sa minatuod nga inapo ni Abraham.

Lucas 3:8

Kon matuod nga nagatalikod kamo sa inyong mga saea, ipakita ron paagi sa inyong mayad nga buhat. Ag ayaw kamo magsalig nga tungod mga inapo kamo ni Abraham hay makalibre kamo sa pina it Dyos. Ginahambae ko kinyo nga ro Dyos hay makahimo it inapo ni Abraham halin sa rayang mga bato iya.

Juan 4:10

Nagsabat si Jesus, “Kon hasayran mo eang kunta kon mauno ro regalo nga gustong itao kimo it Dyos, ag kon sayod ka kunta kon sin-o ako nga nagapangayo kimo it tubi hay ikaw 't-a ro mangayo kakon ag ro akong itao kimo hay tubi nga nagatao it kabuhi nga owa't katapusan.”

Juan 4:14

Pero ro nagainom it tubi nga akon nga ginatao hay indi eon gid pag-uhawon it uman bisan hasta hin-uno tungod ruyon hay mangin pareho it tuburan nga nagabusawak gid sa ana nga kabuhi ag magatao kana it kabuhi nga owa it katapusan.”

Juan 7:37

Sa katapusan nga adlaw it Pagtililipon sa *Pagpatindog it mga Payag, nga imaw man ro pinakaimportanti nga adlaw sa bilog nga pagtililipon, nagtindog si Jesus ag naghambae it mabaskog, “Kon ginauhaw kamo, magdangop kamo kakon ag mag-inom.

Mga TagaRoma 4:12

Ama man imaw ku mga Judio nga owa eang hatuli kundi nagatuo pa gid sa Dyos sa adlaw-adlaw nandang pagpangabuhi pareho sa atong ama nga si Abraham bisan owa pa imaw hatuli.

2 Tesalonica 1:8

Kon magpakita eon ro atong Ginuo nga si Jesus hay may galibot kana nga nagadaba-daba nga kaeayo. Ana nga pinahan ro mga indi magkilaea sa Dyos, ag indi magpati sa Mayad nga Balita parti kana.

Santiago 2:13

Ginahambae ko ra dahil pag-abot it adlaw it paghukom hay indi pagkaeuy-an it Dyos ro tawo nga owa it kaeuoy sa anang isigkatawo kundi anang pagapinahan. Pero ro maeueuy-on hay anang kaeuy-an ag indi pagpinahan pag-abot it adlaw ngaron.

Santiago 3:6

Ro dila abi ngara hay pareho it kaeayo nga halin mismo sa impyerno ag makasunog ku atong bilog nga kabuhi. Sa tanan nga parti it atong eawas, ro dila ro ginahalinan it kaabo-abo nga buhat nga bukon it matarong ag makasamad sa bilog natong pagkatawo.

Pahayag 19:20

Pero gindakop ro sapat ag ro nagapakuno-kuno nga propeta nga nagahimo it mga milagrosong pamatuod sa pagpadungog sa sapat ngato. Rato nga mga milagrosong pamatuod ro anang gin-gamit sa pagpataeang sa mga tawo nga may tanda it sapat ag nagasimba sa anang rebulto. Ro sapat ag ro nagapakuno-kuno nga propeta hay linapog it buhi sa eawod nga nagadaba-daba ay may asupre rato nga nagakaeayo.

Pahayag 22:1

Ginpakita man dayon kakon it anghel ro suba nga ro anang tubi hay nagatao it kabuhi. Matin-aw gid ro tubi pareho it kristal ag nagahalin rato sa trono it Dyos ag ku Tiyo it Karnero,