Lucas 16:23 - Inkeanon

²³ Idto imaw sa impyerno tumugpa ag nagainantos it sobrang kasakit. Nagtan-aw imaw sa maeayo ag hakita nana si Abraham, ag si Lazarus nga idto sa anang euyo kara.

Lucas 16:23 Iomraidhean Croise

Mateo 11:23

Ag kamo man nga mga tagaCapernaum, ayaw eon kamo magpaabot nga itue-og kamo sa eangit agod padunggan it Dyos dahil idto gid kamo sa impyerno itagbong agod pinahan. Kon nakakita ro mga tagaSodoma ku mga milagro nga pareho ku akon nga ginhimo inha kinyo hay sigurado nga gahinuesoe ag gatalikod sanda sa andang mga saea, ag nagatindog pa't-a ro andang syudad hasta makaron.

Mateo 18:9

Kon ro imong mata ro nagatueod kimo nga magkasaea, eukda ron ag ipilak. Mas mayad pa nga sambilog lang ro imong mata basta may imong kabuhi nga owa it katapusan sa eangit kaysa sa kumpleto matuod ro imong mata pero itagbong ka man sa kaeayo idto sa impyerno.”

Mateo 23:33

Mga tuso gid-a kamo pareho it sawa! Imposible gid nga makalibre kamo sa inyong pina sa impyerno.

Mateo 5:22

Pero ro akon 't-a nga ginahambae kinyo makaron hay kon sin-o ro naakig sa anang isigkapareho hay pagahusgaran ag pinahan. Ro nagahambae sa anang isigkatawo it ‘Kaumangon ka!’ hay manabat sa *Sanedrin. Ag ro gahambae sa anang isigkapareho nga ‘Gago ka!’ hay hiadto gid idto sa kaeayo sa impyerno.

Mateo 5:29

Ngani kon ro imong tuo nga mata ro dahilan nga ikaw hay magkasaea, eukda ron ag ipilak. Mas mayad pa nga may buhin ro imong eawas kaysa sa kompleto ra pero itagbong man lang sa impyerno.

Mateo 8:29

Pagkakita nanda kay Jesus hay nagsiyagit sanda nga daywa, “Ayaw kami pag-intrahi, Unga it Dyos. Imo eo't-a baea kami nga pasakitan bisan owa pa ro oras?”

Lucas 16:24

Nagsinggit ro manggaranon, ‘Lolo Abraham, maeuoy ka man kakon! Paadtuna iya si Lazarus ag patum-uyan kana ro anang tudlo sa tubi ag ipatueo sa akong dila, agod maeamigan ay indi eon ako katakod ku kainit it kaeayo ngara!’

Lucas 16:28

ay may lima pa akong kaigmanghod nga eaki idto. Kunta hay paandaman nana sanda, agod indi man sanda hiadto sa lugar ngara nga puro eang kasakit.’

Lucas 8:28

Pagkakita nana kay Jesus, naghapa imaw sa anang atubang ag nagsiyagit, “Ayaw ako pag-intrahi, Jesus, Unga it Dyos nga Eabing Mataas! Maeuoy ka, ayaw ako pagpasakiti!”

1 Corinto 15:55

Ngani makahambae kita nga, “Hay makadaog ka pa, kamatayon? Siin eon ro imong gahom nga makahalit?”

2 Pedro 2:4

Sigurado gid ron, tungod owa ngani nana pagpataliwana ro saea ku mga anghel kato kundi ana sanda nga tinagbong sa kadudueman nga mamingaw sa impyerno, kon siin mat kinadinahan sanda idto hasta sa adlaw nga sintinsyahan sanda ag pinahan.

Pahayag 20:10

Ag si Satanas nga nagpataeang kanda hay gineapog sa eawod nga nagadaba-daba ay may asupre rato nga nagakaeayo nga gineapgan man kato sa makahaeadlok nga sapat ag sa nagpakuno-kuno nga propeta. Idto sanda pasakitan adlaw-gabii hasta sa owa it katapusan.