Lucas 16:22 - Inkeanon

²² “Ku ulihi hay namatay si Lazarus ag gindaea imaw it mga anghel kon siin si Abraham ag ginpapungko sa anang euyo, nga lugar para sa mga dungganon. Owa magbuhay, namatay man ro manggaranon ag gineubong.

Lucas 16:22 Iomraidhean Croise

Mateo 18:10

Naghambae pa gid si Jesus, “Ayaw gid ninyo pagtuya-tuyaa bisan sambilog sa mga mapainubuson ngara nga nagatuo kakon. Ginahambae ko eagi kinyo nga ro mga anghel nga manogbantay nanda hay makapakigkita bisan anong oras sa akong Ama sa eangit.

Mateo 24:31

Matunog dayon ro trumpeta ag pagkatapos hay suguon nakon ro akong mga anghel nga tipunon ro akong mga pinili nga katawhan halin sa tanang parti it kalibutan.”

Mateo 8:11

Ginahambae ko eagi kinyo nga sa ulihi hay kaabo-abo nga tawo nga naghalin sa sari-sari nga lugar sa bilog nga kalibutan ro igatapoe sa mga sinakpan it Dyos nga anang ginaharian, ag magasaeo sanda permi kanday Abraham, Isaac, ag Jacob sa pagkaon.

Marcos 8:36

Ano pa abi ro pueos kon mangin ana it tawo ro tanan nga iya sa kalibutan, kon ro kabaylo man karon hay madueaan imaw it kabuhi nga owa it katapusan?

Lucas 12:20

Ugaling hay naghambae kana ro Dyos, ‘Kaumangon! Makaron nga gabii hay bawion eon kimo ro imong hueam nga kabuhi. Hay sin-o eon dayon ro makapanipueos ku imo ngarong tinipon?’ ”

Lucas 16:21

nagapaabot-abot nga basi eon lang makakaon imaw it bisan salin ku manggaranon. Ginapaeapitan pa imaw it mga ayam ag ginadilapan ro anang mga gueos.

Juan 1:18

Owa gid it tawo nga nakakita sa Dyos mismo. Pero may nagpaathag sa mga tawo parti kana. Ruyon hay ro Owa't Kapareho nga Unga it Dyos, imaw nga may maeueot gid nga kaangtanan sa Dyos nga anang Ama.

Juan 13:23

Ro sumueunod nga palangga gid ni Jesus hay una sa anang tuo nga lugar it kadungganan.

Juan 21:20

Nag-adwing si Pedro ag hakita nana ro sumueunod nga palangga ni Jesus nga nagasunod kanda. Imaw ro sumueunod nga nagsandiay sa dughan ni Jesus ku gabii ngato nga gakaon sanda ag nagpangutana kon sin-o kanda ro magatraidor kana.

Mga Hebreo 1:14

Hay ano gali ro mga anghel kon mawron? Sanda ro mga indi makita nga mga tinuga nga nagaserbi sa Dyos, ag sanda hay ana nga ginapadaea para sa ikamayad ku mga tawo nga ro dangaton hay kaeuwasan halin kana.

Mga Hebreo 2:14

Tungod ro mga ginatawag nga mga unga it Dyos dikara hay mga tawo nga may eawas nga nagakamatay, ngani nagpakatawo man si Jesus agod may ana man nga eawas nga anang ikasakripisyo. Ana ron nga ginhimo agod paagi sa anang kamatayon hay maperdi nana si Satanas, nga imaw ro dahilan nga nagakamatay ro tawo.

Santiago 1:11

Ro mga hilamunon abi hay nagakaeaay sa makapaeaso nga silak it adlaw ag nagakaeadagas ro andang mga bueak ag nagakaeaduea ro andang kanami. Makaruyon man ro mga manggaranon, mamatay ea't-a sanda samtang masako sa pagpamanggad.

1 Pedro 2:24

Imaw mismo ro nagpanabat sa atong mga kasae-anan tag namatay imaw sa krus. Ginhimo ron nana agod mamatay ro atong kaila sa pagpakasaea ag magakabuhi kita it matarong. Paagi sa anang haagyan nga grabing kasakitan, kamo hay ginmayad.

Pahayag 14:13

May habatian eon man ako nga limog halin sa eangit. Hambae nana, “Sueatan ra. Halin makaron hay bulahan ro mga nagakaeamatay nga may maeueot nga kaangtanan sa Ginuo.” Nagsabat ro Espirito Santo, “Matuod ron dahil makapahuway eon sanda sa pagkinabudlay sa andang pagsunod kana ay indi malipatan it Dyos ro andang mayad nga binuhatan ag premyuhan nana sanda.”