Lucas 16:2 - Inkeanon

² Ginpatawag ku manggaranon ro administrador ngato ag ginhambae, ‘Ano ro akong mga habatian ngara parti kimo? Taw-an kakon ro mga listahan kon paalin mo ginpadaeagan ro akong negosyo tungod ginapahalin ko eon ikaw sa imong pagkaadministrador.’

Lucas 16:2 Iomraidhean Croise

Mateo 12:36

Ginahambae ko eagi kinyo nga ro kada isaea hay manabat sa kada owa it sayod nana nga ginhambae pag-abot ku adlaw it paghukom.

Mateo 20:8

“Tag gatunod eon ro adlaw, ginhambae ku tag-ana ro anang administrador, ‘Tawga eon ro mga trabahador ag itao ro andang sweldo. Unaha ro mga ulihi nga trabahador. Ipaulihi mo lang ro mga hauna ngato.’

Lucas 12:20

Ugaling hay naghambae kana ro Dyos, ‘Kaumangon! Makaron nga gabii hay bawion eon kimo ro imong hueam nga kabuhi. Hay sin-o eon dayon ro makapanipueos ku imo ngarong tinipon?’ ”

Lucas 12:42

Nagsabat ro Ginuo, “Isipa ninyo kon pareho kamo it isaeang ka matutom ag maaeam nga mayordomo nga ibutang ku anang amo nga magdumaea sa iba pa nga mga sueuguon ag magpakaon kanda sa tamang oras.

Lucas 16:1

Pagkatapos, may gin-istorya pa si Jesus sa anang mga sumueunod, “May sangka manggaranon nga may administrador. May nagreklamo sa manggaranon nga ginapaumangan ku administrador ro pagpadaeagan ku anang negosyo.

Lucas 16:3

“Nagpaino-ino dayon ro administrador ngato ag sinana sa anang kaugalingon, ‘Maalin lang baea ako kara dahil ginapahalin eon ako ku akong amo? Owa eon ako it kusog mag-obra it mabug-at nga trabaho. Ag nahuya man ako magpakalimos.

Mga TagaRoma 14:12

Ngani matuod nga tanan kita hay magaatubang sa Dyos agod manabat kana sa tanan natong mga saea nga ginhimo.

1 Corinto 1:11

Mga igmanghod ko, nahambae ko ra dahil may nagsugid kakon nga mga kapamilya ni Cloe nga nagailinaway kuno kamo.

1 Corinto 4:2

Kon parti ma't-a sa gintugyanan, sayod naton nga dapat gid nga masaligan sanda.

1 Corinto 4:5

Ngani ayaw 't-a kamo magpanghusgar bisan kanyo ay ro Ginuo't-a ro gahusgar sa tawo kon magbalik eon imaw. Dikato nana ibuyagyag ro mga bagay nga bukon pa it hayag makaron ag ipasayod nana ro mga tinago nga mga motibo ku kada isaea. Ag dikato man dayawon it Dyos ro kada isaea suno sa andang binuhatan.

2 Corinto 5:10

Ginatinguhaan namon ron ay kita tanan hay dapat nga ipaatubang kay Kristo nga magahukom katon, agod ro kada isaea hay makabaton it baeos suno sa anang binuhatan kat nagakabuhi pa imaw iya sa kalibutan, mayad man o maeain.

1 Timoteo 4:14

Ayaw pag-amuliti ro abilidad nga gintao kimo it Dyos tag gintungtung kimo ku mga manogdumaea it mga tumueuo ro andang alima, ag ginpahambae kanda it Espirito Santo nga gintaw-an ka ku abilidad ngaron ku oras ngato mismo.

1 Timoteo 5:24

Mabalik anay kita sa pagpili it mga manogdumaea it mga tumueuo. May mga tawo nga bisan owa pa hausisa ro andang kabuhi hay sayod eon eagi nga nagapakasaea sanda ay hayag man eagi ron. Ro iba ma't-a hay sa ulihi pa't-a masayran nga nagapakasaea gali sanda.

1 Pedro 4:10

Sari-sari ro mga abilidad nga gintao it Dyos sa anang mga katawhan. Ro kada isaea katon hay dapat nga gamiton ro anang abilidad nga gintugyan it Dyos kana sa pagbulig sa kada isaea bilang matutom nga sueuguon nga gintugyanan it anang pagpakamaayo ngaron.

1 Pedro 4:5

Pero maabot ro adlaw nga manabat sanda sa Dyos nga haom maghukom sa tanan nga tawo, sa mga buhi pa ag sa mga patay eon pag-abot it adlaw ngaron.

Pahayag 20:12

Hakita ko man ro mga namatay nga nagatindog sa atubang it trono, ro mga kubos ag ro mga dungganon. Idto nagatindog ro tanan-tanan nga namatay, sa eugta man o sa dagat, nga naghalin sa Hades, ro lugar it mga patay. Ginbuksan dayon ro mga kasueatan kon siin nasueat ro andang binuhatan. Ginhukman dayon sanda it Dyos suno sa nasueat sa mga kasueatan ngato, kon ano ro andang mga binuhatan tag buhi pa sanda. Ginbuksan man ro sambilog pa gid nga ka kasueatan, nga listahan ku mga ngaean ku mga gintaw-an it kabuhi nga owa it katapusan.