Lucas 16:17 - Inkeanon

¹⁷ Pero owa nagakahueugan nga owa eon it pueos ro Kasuguan ag ro mga ginsueat it mga propeta. Mas maeumo nga maduea ro eangit ag eugta kaysa sa maduea ro gahom ku bisan pinakamaisot nga detalye karon.

Lucas 16:17 Iomraidhean Croise

Mateo 5:18

Matuod rang ginahambae kinyo nga myentras iya pa ro kaeangitan ag ro kalibutan hay indi puydi nga dueaon ro gahom ku bisan sangka tuldok o pinakamaisot nga detalye sa Sagrado nga Kasueatan hasta nga indi ra matabo tanan.

Lucas 21:33

Maduea eang ro eangit ag kalibutan pero ro akon tanan nga ginpangturo hay owa gid it pagkaduea bisan hasta hin-uno.

Mga TagaRoma 3:31

Kon makaruyon, nagakahueugan baea ron nga indi eon dapat naton pagtumanon ro mga sugo it Dyos? Bukon 't-a ron! Aton 't-a gihapon nga ginatindugan ro haega ag tuyo ku mga sugo ngaron.

1 Pedro 1:25

pero ro hambae it Dyos hay magapadayon bisan hasta hin-uno.” Ag ro Mayad nga Balita nga ginsugid kinyo hay hambae man ron it Dyos.

2 Pedro 3:10

Pero maabot gid man ro Adlaw nga mabalik ro Ginuo. Ag ro anang pag-abot hay indi masayran kon hin-uno, pareho it pag-abot it manakaw. Sa ruyon nga Adlaw hay mabatian ro mabaskog nga hagunos sa gulpi eang nga pagkaduea it kaeangitan. Ro adlaw, buean ag mga bituon hay magakaeatunaw sa sobrang kainit. Ro kalibutan ma't-a hay mawasak ag ro tanan nga binuhatan it tawo hay mabulgar.

Pahayag 20:11

Ag nakakita ako it mabahoe nga puti nga trono, ag hakita ko man ro nagapungko idto, ag ro eangit ag ro eugta hay mat nagpaeagiw sa kahadlok sa nagapungko dikato. Naduea sanda nga matsa aso.

Pahayag 21:1

Hakita ko dayon ro bag-o nga kaeangitan ag ro bag-o nga kalibutan, ay ro dati nga kaeangitan ag kalibutan hay owa eon, ag ro kadagatan hay naduea man.

Pahayag 21:4

Pahiron nana ro andang mga euha dahil owa eon it kasubo. Owa man it kamatayon, o pag-ueahab o kasakit dahil naduea eon ro tanan sa daan nga kalibutan.”