Lucas 16:16 - Inkeanon

¹⁶ Naghambae pa gid si Jesus, “Ro Sagrado nga Kasueatan it Dyos nga ginsueat ni Moises ag ku mga propeta hay ginapatuman tag owa pa si Juan nga Manogbawtismo. Pero umpisa nga nagturo si Juan hay ginwinali eon ro Mayad nga Balita parti sa paghari it Dyos sa anang mga sinakpan ag kaabo-abo nga mga tawo ro nagatinguha gid nga matapoe kara.

Lucas 16:16 Iomraidhean Croise

Mateo 10:7

Sa tanan ninyo nga adtunan hay iwali ninyo ro mensahi nga iya eon ro oportunidad nga matapoe sanda sa mga sinakpan it Dyos.

Mateo 15:11

Bisan ano ro ibutang it tawo sa anang ba-ba hay indi ra makapahigko kana sa mata it Dyos, kundi ro nagaguwa sa anang ba-ba ro makapahigko kana.”

Mateo 21:32

Bangod tag nag-adto riya si Juan nga Manogbawtismo ag nagturo kon mauno ro pagpangabuhi it matarong hay owa kamo magtalikod sa inyong mga saea ag magpati kana. Pero nagpati kana ro mga *manogsukot it buhis ag ro mga maeain nga bayi. Bisan hakita eon ron ninyo hay owa gihapon kamo nagpati kay Juan.”

Mateo 3:2

Hambae nana permi sa mga tawo, “Maghinuesoe kamo ag magtalikod sa inyong mga saea ay madali lang ro oras nga ipahayag it Dyos ro anang paghari sa tagipusuon ku anang mga sinakpan.”

Mateo 4:17

Ku ratong tyempo hay nag-umpisa si Jesus it pagwali. Hambae nana sa mga tawo, “Maghinuesoe kamo ag magtalikod sa inyong mga saea ay madali lang ro oras nga pagaharian it Dyos ro tagipusuon ku anang mga sinakpan.”

Mateo 4:23

Naglinibot si Jesus sa bilog nga probinsya it Galilea ag nagturo sa mga *sinagoga. Ana nga ginwinali sa mga tawo ro Mayad nga Balita parti sa paghari it Dyos sa tagipusuon it anang mga sinakpan, ag ana man nga ginpamayad ro tanang klasi it baeatian ag masakit ku mga tawo.

Marcos 1:14

Pagkapriso kay Juan hay nag-adto si Jesus sa probinsya it Galilea ag nagwali imaw it Mayad nga Balita nga halin sa Dyos.

Marcos 1:45

Nagpanaw ro tawo pero ginsinugid nana sa tanan nga anang hisubeang kon paalin imaw ginpamayad ni Jesus. Ngani si Jesus hay indi eon makapanaw it hayag sa mga banwa. Mawron nga idto imaw nagtenir sa mga lugar nga owa it kabeayan. Ugaling hay abo gihapon nga mga tawo ro nag-agto idto kana halin sa iba-ibang mga lugar.

Lucas 10:11

‘Tungod owa ninyo kami pagbatuna, maskin ro tapu-tapu sa inyong banwa nga nagadukot sa among mga siki hay among ginapagpag bilang tanda nga, sa mata it Dyos hay pareho kamo it mga tawo nga owa nagakilaea kana. Pero tandai ninyo nga gintaw-an kamo it oportunidad nga matapoe sa mga sinakpan it Dyos.’

Lucas 10:9

Pamayara ninyo ro mga nagamasakit sa ruyong banwa ag sugiri ro mga pumueuyo, ‘Iya eon kinyo ro oportunidad nga matapoe sa mga sinakpan it Dyos.’

Lucas 16:29

Pero nagsabat si Abraham, ‘May anda nga kasueatan nga ginpasueat it Dyos kay Moises ag sa mga propeta. Dapat magpamati ag magtuman ro imong mga igmanghod kon ano ro nasueat dikato.’

Lucas 16:31

Nagsabat kana si Abraham, ‘Kon indi sanda magpati sa ginsueat ni Moises ag ku mga propeta hay indi man sanda makumbinsi bisan may nabanhaw pa nga mag-adto kanda.’ ”

Lucas 9:2

Ana dayon sanda nga ginpapanaw agod magwali parti sa paghari it Dyos sa anang mga sinakpan ag magpamayad it mga masakiton.

Juan 1:45

Gin-usoy man dayon ni Felipe si Nataniel. Pagkakita nana kay Nataniel, ginhambae ra nana, “Nakit-an eon namon ro ginapatungdan ni Moises sa Kasuguan ag ku mga propeta sa andang ginsueat. Imaw ra hay si Jesus nga tagaNazaret nga unga ni Jose.”

Juan 11:48

Kon pabay-an eang naton ra imaw nga magminakaraya, ro tanan nga tawo hay magatuo't-a kana, ag isipon it mga Romano nga nagarebelde kita kanda, ag paadtunan nanda kita it mga soldado ag waskon ro atong Templo, ag dueaon ro atong kahilwayan nga magdumaea ku atong rasa.”

Juan 12:19

Tapos, naghambae ro ibang mga Pariseo sa andang mga kaibahan, “Hay kita eon ninyo? Owa gid kamo it nahuman sa inyong tinanga-tanga. Haron, tanan eon ro mga tawo sa kalibutan hay nagasunod 't-a kana!”

Mga Binuhatan 3:18

Pero kato pa hay ginpasayod eon it Dyos paagi sa tanan nanang mga propeta nga ro Maneueuwas nga anang ginpromisa hay magaantos ag natuman ra sa inyo ngatong gin-obra kay Jesus.