Lucas 16:15 - Inkeanon

¹⁵ Pero ginhambae sanda ni Jesus, “Kamo't-a ro akong ginapatungdan sa akon ngatong istorya nga nagapapati sa mga tawo nga tama gid kamo pero sayod it Dyos ro inyong kabubut-on. Ro mga ginadayaw abi it tawo hay imaw man ron ro ginakangil-aran it Dyos.”

Lucas 16:15 Iomraidhean Croise

Mateo 23:5

Ro tanan nandang ginaobra hay pakita-kita eang sa tawo agod dayawon sanda. Ro kahon-kahon nga andang ginabutang sa andang dahi ag butkon hay anda gid nga ginapaeagko. Ro palawit ku andang mga kunop hay anda gid nga ginapahabaan kaysa sa ana ku iba.

Mateo 6:16

Naghambae pa gid si Jesus, “Kon magpuasa kamo, ayaw kamo magtuead sa mga ipokrito. Owa sanda gapang-ayos-ayos ku andang kaugalingon agod masayran gid it mga tawo nga nagapuasa sanda. Matuod rang ginahambae kinyo nga ro pagdayaw it tawo kanda hay duyon eang ro andang premyo nga mabaton.

Mateo 6:2

“Ngani kon magbulig ka sa mga kubos, ayaw pagpakita-kitaan pareho ku ginaobra it mga ipokrito. Makaruyon ro andang ginaobra idto sa mga sinagoga ag sa mga binit it karsada agod dayawon sanda it mga tawo. Matuod rang ginahambae kinyo nga ro pagdayaw it tawo kanda hay duyon eang ro andang premyo nga mabaton.

Mateo 6:5

Naghambae pa gid si Jesus, “Kon magpangamuyo kamo, ayaw kamo magtuead sa mga ipokrito. Naila ron sanda magtindog ag magpangamuyo sa sinagoga ag sa mga kanto nga abo kanda ro makakita. Matuod rang ginahambae kinyo nga ro pagdayaw it tawo kanda hay duyon eang ro andang premyo nga mabaton.

Lucas 10:29

Pero gusto ku maestro it Kasuguan nga paguwaon nga tama nga pilion eang nana ro anang higugmaon ngani nagpangutana imaw kay Jesus, “Hay sin-o man abi ro akon nga isigkatawo nga dapat kong higugmaon?”

Lucas 11:39

Ngani naghambae ro Ginuo kana, “Kamo gid-a nga mga Pariseo hay pareho it nagahugas it pinggan ag baso nga ro likod eang ag ro liwan ro ginahugasan. Makaruyon kamo ay ro inyo eang nga eawas ro inyong ginalimpyuhan pero ro una't-a sa inyong kabubut-on hay puro kahanguean ag kaeainan.

Lucas 18:11

Nagtindog ro Pariseo ag nagpangamuyo nga ginapabugae ra kaugalingon. Hambae nana, ‘Gapasaeamat ako kimo, Dyos ko, nga bukon ako it pareho ku ibang tawo nga buyong, bukon it matarong, ag hangawatan. Ag gapasaeamat gid-ang nga bukon ako it pareho ku *manogsukot it buhis ngato.

Lucas 18:14

Hambae ni Jesus, “Ginahambae ko kinyo nga pag-uli ku manogsukot hay imaw 't-a ro matarong eon sa mata it Dyos ag bukon it ratong Pariseo. Ro tanan nga matinaas-taason hay pagasumpuon it Dyos ag ro mga mapainubuson hay pagapadunggan it Dyos.”

Lucas 18:21

Nagsabat ro manogdumaea, “Ginatuman ko eon ron tanan halin ku bata pa ako hasta makaron.”

Lucas 18:9

Nagsugid pa gid si Jesus it sangka paanggid nga istorya sa mga tawo idto nga nagapati gid-a nga mga matarong sanda ngani andang ginasika-sika ro iba.

Lucas 20:20

Umpisa kato, nagbinantay sanda it kahigayunan nga ikapadakop si Jesus. May andang ginpaespiya kana nga nagpakuno-kuno nga owa it maeain nga motibo pero anda't-a gali nga ginadakop-dakop si Jesus sa istorya, ay basi may anang ihambae nga magamit nanda kuntra kana agod ipaatubang imaw sa Romano nga gobernador nga may otoridad sa pagsintinsya kana.

Lucas 20:47

Andang ginahuthot ro mga pagkabutang ku mga baeo nga bayi hasta maubos ag mangin mga pobre sanda. Ginapakita-kita man ku mga maestro ngara it Kasuguan ro andang pagpangamuyo it maeawig. Mas grabi ro andang pina nga batunon halin sa Dyos dahil sa anda ngarang mga buhat.”

Juan 2:25

Bisan indi eon imaw pagsugiran parti karon ay sayod man eagi nana kon ano ro sueod ku andang tagipusuon.

Juan 21:17

Pinangutana ni Jesus it ikatatlong beses si Pedro, “Simon, unga ni Juan, ginahigugma mo baea ako?” Pagkabati kara ni Pedro hay nagsakit ro anang buot ay tatlong beses eon nga ginpangutana imaw ni Jesus kon ginahigugma nana ra. Tapos, nagsabat si Pedro, “Ginuo, sayod mo ro tanan ag ikaw mismo ro nakasayod nga ginahigugma ko ikaw.” “Kon mawron, tatapa gid ro akong mga katawhan nga matsa panong it karnero,” hambae ni Jesus.

Mga Binuhatan 1:18

(Ro natabo kay Judas hay makaraya: ro ginbayad kana sa anang gin-obra nga maeain hay ginbakae it eugta. Idto imaw rikato nagpakamatay. Tumugpa imaw it pahapa sa eugta halin sa sangka mataas nga lugar ag nabusdik ro anang tiyan ag naggueuwa ro anang tinai.

Mga Binuhatan 1:24

Pagkatapos, nagpangamuyo sanda, “Ginuo, ikaw ro nakasayod ku kabubut-on it kada tawo, ngani ipakita kamon kon sin-o sa daywa ngara ro imong ginpili

Mga Binuhatan 15:8

Ag abo kanda ro nagtuo. Sayod it Dyos nga matuod ro andang pagtuo dahil nakasayod imaw ku paino-ino it tawo, ngani gintapoe nana sanda sa anang mga katawhan. Ana nga ginpakita ro anang pagbaton kanda paagi sa pagtao kanda ku Espirito Santo, pareho man katon.

Mga TagaRoma 3:20

Matuod ra ay owa gid it bilangon nga matarong sa panueok it Dyos paagi sa anang pagtuman sa mga kasuguan it Dyos dahil kon ginatinguhaan naton nga tumanon ro mga ruyon hay maklaro gid katon nga makasasaea gid kita.

Mga TagaRoma 8:27

Ag dahil sayod ro Dyos kon ano ro una sa tagipusuon ag isip it tawo ngani sayod man nana kon ano ro ginapaino-ino ku Espirito Santo, tungod kon nagapangamuyo imaw para katon nga mga katawhan it Dyos, ro anang ginapangamuyo hay suno sa kabubut-on it Dyos.

1 Corinto 4:5

Ngani ayaw 't-a kamo magpanghusgar bisan kanyo ay ro Ginuo't-a ro gahusgar sa tawo kon magbalik eon imaw. Dikato nana ibuyagyag ro mga bagay nga bukon pa it hayag makaron ag ipasayod nana ro mga tinago nga mga motibo ku kada isaea. Ag dikato man dayawon it Dyos ro kada isaea suno sa andang binuhatan.

1 Pedro 3:4

Ro matuod 't-a nga kagwapa hay ro inyong maeueo ag matawhay nga kabubut-on. Ruyon nga kagwapa hay owa it pagkupas ag mahaega gid sa mata it Dyos.

1 Pedro 5:5

Kamo ma't-a nga mga pamatan-on nga mga eaki, ro akon nga bilin kinyo hay magpasakop gid kamo sa mga manogdumaea inha kinyo. Ag kamo tanan inha hay dapat nga mapainubuson sa kada isaea ay nasueat sa Kasueatan nga, “Ro mga palabi-labihon hay ginakuntra it Dyos pero ro mga mapainubuson hay anang ginapakamaayo.”

Pahayag 2:23

Patyon ko gid ro mga nagasunod kana nga ginabilang nga anang mga unga. Dahil karon hay makasayod ro tanan nga mga grupo it tumueuo nga ako ro makatungkad ku paino-ino ag handom it tawo. Ag baeusan ko ro kada isaea kinyo suno sa inyong binuhatan.