Lucas 16:14 - Inkeanon

¹⁴ Habatian ku mga Pariseo ro tanan ngato nga ginhambae ni Jesus ag dahil sanda ra hay mga mailaon gid it manggad, anda kara imaw nga gintinuya-tuya.

Lucas 16:14 Iomraidhean Croise

Mateo 23:13

Naghambae pa gid si Jesus, “Mga ipokrito kamo nga mga maestro it Kasuguan ag mga Pariseo. Makaeueuoy kamo ay makangingidlis gid ro matabo kinyo sa ulihi, tungod paagi sa inyong saea nga mga ginaturo hay inyo nga ginapugngan ratong gusto nga matapoe sa mga sinakpan it Dyos. Kamo mismo hay nagabalibad nga mangin anang mga sinakpan, tapos hay ginapugngan pa ninyo ro naila.

Mateo 9:24

Ginhambae sanda ni Jesus, “Guwa abi kamo. Owa namatay ro unga ngara kundi gakatueog man lang imaw.” Anda't-a nga ginhinibaygan si Jesus nga may daea nga pag-intrimis.

Lucas 12:15

Naghambae dayon si Jesus sa mga tawo, “Mag-andam gid kamo nga indi kamo maghinangoe sa bisan ano nga butang dahil ro kabuhi hay owa eang nasandig sa kaabo it manggad.”

Lucas 20:47

Andang ginahuthot ro mga pagkabutang ku mga baeo nga bayi hasta maubos ag mangin mga pobre sanda. Ginapakita-kita man ku mga maestro ngara it Kasuguan ro andang pagpangamuyo it maeawig. Mas grabi ro andang pina nga batunon halin sa Dyos dahil sa anda ngarang mga buhat.”

Lucas 23:35

Nagtilindog idto ro mga tawo ag nagpinamantaw pero ro mga lider it mga Judio hay nagtinuya-tuya kay Jesus. Hambae nanda, “Gineuwas nana ro iba, abi, kon anang euwason ro anang kaugalingon kon matuod gid nga imaw ro Maneueuwas nga ginpromisa it Dyos ag anang pinili.”

Lucas 8:53

Anda't-a nga ginhinibaygan si Jesus nga may daea nga pag-intrimis ay sayod nanda nga patay eon ro unga.

2 Timoteo 3:2

tungod ro mga tawo eo't-a kato hay magahigugma sa anda eang nga kaugalingon, mailaon gid it manggad, bugaeon, palabi-labihon, manogpakaeain sa isigkatawo, bukon it masinueundon sa ginikanan, owa't kabaeaslan, owa it pagtaha sa mga bagay nga sagrado,

Mga Hebreo 11:36

May iba nga nag-antos it pag-intrimis ag paglatigo. May iba man nga ginpriso ag ginkadenahan pa idto sa sueod it prisuhan.