Lucas 16:13 - Inkeanon

¹³ Owa it ulipon nga makaserbi it dungan sa daywang ka amo. Tungod ro matabo hay ana nga kaugtan ro sambilog ag higugmaon ro isaea o ana nga apinan ro sambilog ag baliwalaon ro isaea. Indi kamo puyding magserbi sa Dyos it husto ag paeabihon man ninyo ro pagmanggad.”

Lucas 16:13 Iomraidhean Croise

Mateo 4:10

Nagsabat si Jesus, “Halin iya, Satanas! Nasueat sa Sagrado nga Kasueatan nga ‘Ro Ginuo nga imong Dyos eang ro imong simbahon ag imaw eang ro imong serbihan.’ ”

Mateo 6:24

“Owa it sueuguon nga makaserbi it dungan sa daywang ka amo. Tungod ro matabo hay ana nga kaugtan ro sambilog ag higugmaon ro sambilog, ukon ana nga apinan ro sambilog ag baliwalaon ro sambilog. Indi ka puyding magserbi sa Dyos it husto ag paeabihon mo man ro pagmanggad.”

Lucas 11:23

“Ro owa nagaapin kakon hay nagakuntra kakon. Ro owa nagabulig kakon sa pagtipon ku mga tawo hay nagapatapeaag kanda paeayo kakon.”

Lucas 14:26

“Kon may tawo nga mag-adto kakon agod mangin akong sumueunod pero mas ginahigugma pa nana ro anang ginikanan, asawa, mga unga, mga igmanghod ag ro anang kaugalingon kaysa sa kakon hay indi imaw puydi nga mangin sumueunod nakon.

Lucas 16:12

Ag kon indi kamo masaligan ku mga butang nga ana it iba hay paalin man kamo taw-an it mangin inyo mismo?

Lucas 16:9

Ro manggad iya sa kalibutan hay indi masaligan ag indi man magdurar. Pero ginahambae ko kinyo nga gamita ninyo ron sa pagpangamigo agod kon magtaliwan eon kamo sa kalibutan ag owa eon gakinahangean ku mga ruyon ngaron hay pagasueang-sueangon kamo ku mga amigo ninyo ngato sa lugar kon siin magaililiba kamo hasta sa owa it katapusan.

Lucas 9:50

Pero nagsabat si Jesus, “Ayaw ninyo imaw pagbawaei tungod ro owa nagakuntra kinyo hay kaapin ninyo.”

Santiago 4:4

Pareho kamo it bayi nga gapangawatan ay naila pa't-a kamo sa mga butang iya sa kalibutan! Owa baea kamo kasayod nga ginakuntra ninyo ro Dyos kon nailaan ninyo ro mga butang iya sa kalibutan nga kuntra nana? Ngani kon sin-o ro naila sa mga kalibutanon nga buhat nga kuntra it Dyos hay ginaobra nana mismo ro anang kaugalingon nga kaaway it Dyos.