Lucas 16:1 - Inkeanon

¹ Pagkatapos, may gin-istorya pa si Jesus sa anang mga sumueunod, “May sangka manggaranon nga may administrador. May nagreklamo sa manggaranon nga ginapaumangan ku administrador ro pagpadaeagan ku anang negosyo.

Lucas 16:1 Iomraidhean Croise

Mateo 20:8

“Tag gatunod eon ro adlaw, ginhambae ku tag-ana ro anang administrador, ‘Tawga eon ro mga trabahador ag itao ro andang sweldo. Unaha ro mga ulihi nga trabahador. Ipaulihi mo lang ro mga hauna ngato.’

Lucas 12:42

Nagsabat ro Ginuo, “Isipa ninyo kon pareho kamo it isaeang ka matutom ag maaeam nga mayordomo nga ibutang ku anang amo nga magdumaea sa iba pa nga mga sueuguon ag magpakaon kanda sa tamang oras.

Lucas 15:13

Pagkapilang adlaw, ginbaligya't-a tanan ku kamanghuran ro anang hueay ag pumanaw sa maeayo nga lugar, daea ro anang kabakeanan. Pag-abot idto hay nagpinagusto imaw ag anang ginwaldas ro anang kwarta.

Lucas 15:30

Pero pag-uli ku imo ngarong unga nga nagwaldas sa mga maeain nga bayi ku imong ginpapanubli kana hay imo pa nga ginpamatansahan ku pinatambok nga baka!’

Lucas 16:19

Tapos, may gin-istorya pa gid si Jesus, “May sangka manggaranon nga ro anang suksuk hay puro manami ag maeahaeon. Kalipay eo't-a nana nga magpaponsyon adlaw-adlaw agod makita ro anang grabi nga kabuganaan.

Lucas 16:2

Ginpatawag ku manggaranon ro administrador ngato ag ginhambae, ‘Ano ro akong mga habatian ngara parti kimo? Taw-an kakon ro mga listahan kon paalin mo ginpadaeagan ro akong negosyo tungod ginapahalin ko eon ikaw sa imong pagkaadministrador.’

Lucas 19:20

Nag-abot man ro sambilog pa gid nga ulipon. Hambae nana, ‘Sir, hara ro imong sambilog nga minas ngato. Ginputos ko ra ag gintago.

Lucas 8:3

Kaibahan man nana si Juana nga asawa ni Cuza nga administrador ni Herodes, si Susana ag iba pa. Ginbinuligan nanda sanday Jesus sa andang mga kinahangeanon halin sa andang kaugalingon nga buesa.

Tito 1:7

Kinahangean nga owa it kasawayan ro nagadumaea sa mga tumueuo tungod imaw ro ginasaligan ku mga oeobrahon it Dyos. Bukon dapat imaw it matinaas-taason, bukon it mainiton it ueo, bukon it paeahilong, bukon it mapintas ag owa gaobra it saea dahil eang sa kaila it kwarta,

Santiago 4:3

Pero maskin nagapangayo kamo hay owa gihapon kamo ginataw-i dahil ro inyong katuyuan hay maeain ay inyo man lang ron nga amulitan sa pagpagusto sa maeain nga handom ku inyong eawas.

1 Pedro 4:10

Sari-sari ro mga abilidad nga gintao it Dyos sa anang mga katawhan. Ro kada isaea katon hay dapat nga gamiton ro anang abilidad nga gintugyan it Dyos kana sa pagbulig sa kada isaea bilang matutom nga sueuguon nga gintugyanan it anang pagpakamaayo ngaron.