Lucas 15:30 - Inkeanon

³⁰ Pero pag-uli ku imo ngarong unga nga nagwaldas sa mga maeain nga bayi ku imong ginpapanubli kana hay imo pa nga ginpamatansahan ku pinatambok nga baka!’

Lucas 15:30 Iomraidhean Croise

Marcos 12:44

ay ro ginhueog nanda hay tag kaisot eang nga parti ku sobra ku andang manggad. Pero bisan pobre ro baeo ngaron hay gintao nana tanan ro anang kwarta bisan rato eon ro katapusan nanang kwarta.”

Lucas 15:29

Pero ginsabat nana ro andang ama, ‘Kabatas ka ma't-ing, Tay. Nagpinamuskoe ako kimo it pilang dag-on ag gintuman ko tanan ro imong sugo. Hataw-an mo gid baea ako it bisan tiyo eon lang it kanding nga akong ihanda sa akong mga amigo ag magkueukalipay man mana? Owa gid!

Lucas 15:31

Nagsabat ro ama, ‘Toto, iya ka't-ing permi sa akong euyo ag kon ano ro akon hay imo man.

Lucas 15:32

Pero dapat kita nga magselebrar ag magkalipay ay ro imong manghod nga eaom naton nga patay eon hay buhi't-a gali. Naduea imaw pero nag-uli eon.’ ”

Lucas 18:11

Nagtindog ro Pariseo ag nagpangamuyo nga ginapabugae ra kaugalingon. Hambae nana, ‘Gapasaeamat ako kimo, Dyos ko, nga bukon ako it pareho ku ibang tawo nga buyong, bukon it matarong, ag hangawatan. Ag gapasaeamat gid-ang nga bukon ako it pareho ku *manogsukot it buhis ngato.