Lucas 15:22 - Inkeanon

²² Pero naghambae ro ama sa anang mga ulipon, ‘Bakasa ninyo! Bue-a to ro pinakamanami nga mahabang eambong ag ilisan imaw. Suksuki man imaw it singsing ag sandalyas

Lucas 15:22 Iomraidhean Croise

Lucas 15:21

Naghambae dayon ro unga, ‘Tay, nagkasaea gid ako sa Dyos ag kimo. Bukon eon ako it bagay nga bilangon nga imong unga.’

Lucas 15:23

ag matansaha ninyo tag pinatambok nga baka. Makaon kita ag magkinasadya

Mga TagaRoma 13:14

Dapat naton nga tuearon ro batasan ni Ginuong Jesu-Kristo ag indi gid kita magplano nga pasugtan ro atong makasasaea nga kinaiya.

Mga TagaRoma 3:22

Rayang pagkamatarong sa panueok it Dyos hay paagi eang sa pagtuo kay Jesu-Kristo. Owa gid it pinaeabi kara

Mga TagaRoma 8:15

Bukon eon kita it pareho it ulipon nga nagakurog permi sa kahadlok sa anang mapintas nga amo kundi malipayon gid kita ay sayod naton nga mga unga kita it Dyos mawron nga ginatawag eon naton imaw it Tatay.

Mga TagaGalacia 3:27

Ro batasan ku mga ginbawtismuhan bilang tanda nga nakig-angot eon sanda kay Kristo hay pareho eon ku anang batasan.

Mga TagaEfeso 6:15

Dapat nga haom kamo permi nga magpanaw agod magsugid it Mayad nga Balita nga makapapanumbalik ku mayad nga relasyon it tawo sa Dyos. Raya hay pareho it pagsuksuk ninyo ku sapatos it soldado.

Pahayag 19:8

Gintaw-an imaw it kinamatarong nga magsuksuk it eambong nga maeahaeon ro tela nga malimpyo ag nagabarlak.” (Ro kahueugan abi it maeahaeon nga tela hay ro mga matarong nga buhat ku mga katawhan it Dyos.)

Pahayag 2:17

“ ‘Gintaw-an kamo it dueunggan ngani pamatii ninyo it mayad ro ginahambae it Espirito it Dyos sa mga grupo it mga tumueuo. Ro nagapadayon nga madinaeag-on sa andang pagsunod kakon hay taw-an nakon it gintago nga pagkaon nga manna kon tawgon. Taw-an ko man ro kada isaea kanda it puti nga bato nga kon siin nasueat ro anang bag-o nga ngaean. Owa it iba nga makasayod ku ngaean ngaron kundi ro makabaton eang ku ruyon nga bato.’ ”

Pahayag 3:18

Ngani ro akon nga maeaygay kinyo hay magbakae kamo kakon it bueawan nga ginpapuro it kaeayo, agod mangin matuod kamo nga manggaranon. Buoe man kamo kakon it puti nga eambong, agod indi kamo mahuy-an ay owa kamo it eambong. Buoe man kamo kakon it bueong nga ibutang sa inyong mga mata agod makakita kamo.

Pahayag 6:11

Gintaw-an dayon ro kada isaea kanda it mahaba nga puting eambong, ag ginhambaean nga magpahuway-huway anay sanda ag hueaton nga makompleto ro kaabuon ku iba pa nandang mga kaigmanghuran nga mga isigkapareho nanda nga mga nagaserbi sa Dyos nga pagapatyon man pareho kanda.

Pahayag 7:9

Pagkatapos kara hay may hakita ako nga kaabo-abo nga mga tawo nga owa it bisan sin-o nga makahuyap. Mga myembro sanda it kada rasa, kada linahi, kada tribo ag ro andang mga linggwahe hay ro tanan nga linggwahe iya sa kalibutan. Nagatindog sanda sa atubang ku nagapungko sa trono ag ku rato nga ginatawag nga Tiyo it Karnero. Nagasuksuk sanda it mahaba nga puting eambong ag nagabuyot sanda it mga dahon it palmera.